BolgeXeber.Com » Ölkə » “MusicGallery”dən şikayətlər artıb

“MusicGallery”dən şikayətlər artıb

22-03-2015, 12:05
Oxunub: 4 351 “MusicGallery”dən şikayətlər artıbSon vaxtlar “MusicGallery” şirkətinə məxsus mağazalarda satılan malların keyfiyyəti ilə bağlı şikayətlər artıb.

Bunu virtualaz.org saytına Azad İstehlakçılar Birliyinin sədri Eyyub Hüseynov deyib.

Hüquq müdafiəçisinin sözlərinə görə, xüsusilə mağazalardan alınan telefonlarla bağlı şikayət edilir: “Təşkilatımıza daxil olan şikayət ərizəsində istehlakçılar telefonların tez bir zamanda sıradan çıxdığını, dəfələrlə servisdə təmir etdiklərini deyirlər. Sonuncu şikayət ərizəsində istehlaşçı “28 Mall” ticarət mərkəzindəki mağazadan 79 manata telefon aldığını, lakin kassa çeki verilmədiyini yazıb. Telefon 3 dəfə təmir olunub”.

E.Hüseynov dedi ki, şikayətlərlə bağlı şirkətlə əlaqə yaratmağa cəhd edib: “Şirkətin “qaynar xətt” xidməti var. Lakin müraciət etməyimizə baxmayaraq şikayətlər araşdırılmayıb. Şikayəti dövlət qurumlarına da yönəltmişik”.

Qeyd edək ki, “MusicGallery” şirkəti 1993-ci ildə yaradılıb. Şirkətə məxsus mağazalarda məişət texnikası, elektronika, peşəkar işıq və audio avadanlıqları satılır.

Şirkət “Yamaha”nın Azərbaycanda rəsmi nümayəndəsidir.