BolgeXeber.Com » Ölkə » Nərimanovdakı kazinonu kim himayə edir? – İDDİA

Nərimanovdakı kazinonu kim himayə edir? – İDDİA

11-06-2015, 09:39

Oxunub: 4 765 Nərimanovdakı kazinonu kim himayə edir? – İDDİA

Q.Məmmədov obyektlərindəki qeyri-qanuni fəaliyyətləri həm də biznes ortaqlarından aldığı güc hesabına qoruya bilir

Azərbaycanda kazinoların və loto oyunlarının qadağan olunması hər kəsə bəllidir. Lakin paytaxt Bakıda və digər böyük şəhərlərdə bir çox məmurların havadarlığı ilə gizli kazino klublarının və loto oyunlarının təşkil edildiyi ilə bağlı dəfələrlə mətbuatda yazılar dərc olunub.

BOLGEXEBER.COM AzFakt.com-a istinadən yazır ki, Nərimanov rayonunda, Fətəli xan Xoyski küçəsində yerləşən məşhur “Barkod” çay evinin üst mərtəbəsində də kazino və loto oyunları təşkil edilir. Həmin obyektdə müştərilərə populyar loto oyununun elektron versiyasının təqdim edildiyi iddia olunur. İddiaya görə, adı çəkilən ünvanda fəaliyyət göstərən qumarxana Nərimanov rayon Mənzil Kommunal Təsərrüfat İdarəsinin rəsi Qoşqar Məmmədova məxsusdur. Belə ki, qumarxana oynanılan obyekt Mənzil Kommunal Təsərrüfat İdarəsinin rəisinə məxsusdur və həmin obyekti işlədənlərin oradakı qanunsuz fəaliyyətindən Qoşqar Məmmədovun birbaşa xəbəri var.
Qeyd olunur ki, kommunal idarə rəisi obyekti icarəyə verildiyini iddia etsə də, əslində onun özü bu qumarxanadan ayda faiz alır.
Məlumatlara görə, bu məsələdə Nərimanov rayon rəhbərliyində təmsil olunan bəzi şəxslərlə iş ortağı olan Q.Məmmədov obyektlərindəki qeyri-qanuni fəaliyyətləri həm də biznes ortaqlarından aldığı güc hesabına qoruya bilir.

Çox Oxunanlar