Azərbaycanda SMS-reklamlar qanunla məhdudlaşdırıldı
22-07-2015, 09:22
Oxunub: 3 328
Prezident İlham Əliyevin imzaladığı və ötən həftə qüvvəyə minən “Reklam haqqında” yeni qanunla Azərbaycanda SMS-reklamlar məhdudlaşdırılıb
Bu barədə “Report”a yeni qanunu şərh edən vəkil Əkrəm Həsənov bildirib.
O qeyd edib ki, qanunun maraqlı müddəalarından biri 23.1-ci maddəsində təsbit edilib. Burada qeyd olunur ki, telekommunikasiya operatoru və provayderi abunəçiyə reklamı yalnız abunəçi ilə bağlanılan yazılı müqavilədə reklamın göndərilməsi razılaşdırıldığı halda fərdi qaydada yayımlaya bilər: “Bu o deməkdir ki, mobil telefonlarımıza bezdirici (bəzən isə həm mənəvi, həm də maddi cəhətdən zərərli) SMS-reklamlar daha gəlməyəcək. Ona görə ki, mobil operatorların müştəriləri ilə mövcud müqavilələrində qanunun tələb etdiyi razılıq haqda müddəa bir qayda olaraq yoxdur”.
Ə.Həsənov bununla belə, vətəndaşlara diqqətli olmağı məsləhət görür: “Əvvəla, bundan sonra vətəndaşlar mobil operatorlarla bağladığı müqaviləni diqqətli oxumalıdır. Çünki qarşı tərəf həmin “razılığ”ı daxil edə bilər. Digər tərəfdən, qanuna zidd olaraq vətəndaşın telefonuna SMS-reklam daxil olarsa, həmin istifadəçiyə müvafiq qurumlara şikayət etməyi məsləhət görərdim”.
Vətəndaşların hansı qurumlara şikayət etmələrinə gəlincə Ə.Həsənov deyib ki, mobil operator “Reklam haqqında” qanunu pozarsa, vətəndaş İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə və Rabitə və Yüksək Texnologiyalar Nazirliyinə, habelə birbaşa məhkəməyə müraciət edə bilər: “Amma məsləhətdir ki, məhkəməyə qədər adını çəkdiyim iki quruma şikayət etsin. Nəticəsi daha tez olacaq”.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər