BolgeXeber.Com » Ölkə » “Bakıkart”ın dizaynı oğurluq çıxdı

“Bakıkart”ın dizaynı oğurluq çıxdı

1-09-2015, 13:16

Oxunub: 8 342

Bakı Metropolitenində yenicə istifadəyə verilən “Bakıkart”ın dizaynı oğurluq çıxıb

Oxu.az xəbər verir ki, bu barədə Ukraynadakı ali məktəblərdən birinin tələbəsi olan operator Nəriman Süleymanov sosial şəbəkədə yazıb.

Süleymanov iki il öncə çəkdiyi fotonu paylaşaraq bildirib ki, “Bakıkart”ın üzərində olan foto ona məxsusdur: “Bu gördüyünüz yeni istifadəyə verilmiş “Bakıkart”dır. Sağdakı gördüyünüz kartın üzərindəki şəklin dizaynı isə mənə məxsusdur. İki il öncə hazırlamışdım. Xəbərim olmadan şəkil kartın üzərində çap olunub və icazə almadan şəkilə dəyişiklik olunub. Belə ki, “Heydər Əliyev Mərkəzi”nin fotosu da kartın üzərində əksini tapıb. Bu da şəklin orijinalı”- o yazıb.

Məsələ ilə bağlı “Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib ki, “Bakıkart” metropolitenin məhsulu deyil.

“Bakıkart” layihəsinin rəhbəri Ceyhun Əliyev sayta bu faktı nə təkzib, nə də təsdiq edib. C.Əliyev bu məsələ ilə bağlı hər hansı şərh vermək istəmədiyini vurğulayıb.

Qeyd edək ki, avqustun 8-də Bakı Metropolitenində yeni vahid ödəniş kartlarının istifadəsinə başlanılıb. Bu kartları metropolitendə bütün stansiyaların vestibüllərində və paytaxt dayanacaqlarında quraşdırılmış yeni terminallardan əldə etmək mümkündür. Qiymətlərə gəlincə, “Bakıkart”ın (plastik kart) satışı 2 manat, “Bakıkart məhdud istifadə üçün” kartının satışı isə 20 qəpikdir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]