Bizimlə əlaqə | Reklam
BolgeXeber.Com » Ölkə » Sevgililərin transformatorda yanmasının - Şok detalları

Sevgililərin transformatorda yanmasının - Şok detalları

26-10-2015, 14:43
Oxunub: 4 448 Bakıda transformatorda yanan iki gənc barəsində yeni məlumatlar əldə etmişik.

Axar.az-a daxil olan xəbərə görə, paytaxtın Nəsimi rayonu, Ağadadaş Qurbanov küçəsində qeydə alınan hadisə əslində, intihara cəhd imiş.

Mənbənin sözlərinə görə, 20 yaşlı Fəqan Fərzəliyevə sevdiyi qız Pərvanəni (ad şərtidir) vermək istəməyiblər. Hətta qızın ailəsində uzun müddət bu məsələnin mübahisəsi gedib.

Pərvanənin ailəsi Fəqangillə qohum olmaq istəməyib. Hazırda oğlanın xəstəxanada ağır bəladan əziyyət çəkən anası övladının başına gələn faciədən bixəbərdir. Fəqanın atası isə illər əvvəl dünyasını dəyişib.

Sevgililərin transformatorda yanmasının - Şok detallarıMəlumatda deyilir ki, Pərvanə ilə ailə quracağına ümidini itirən Fəqan onu görüşə dəvət edib

Fəqanın intihar etmək planından xəbərsiz olan qız təyin olunan görüş yerinə gəlib.

Amma burada Fəqan sevgilisini transformatorun kabininə girməyə çağırıb. İçəri girər-girməz onu elektrik cərəyanı vurub, Pərvanə isə Fəqanı bayıra çıxarmaq istəyərkən özü də eyni duruma düşüb.

Fəqan intihara cəhd etməklə Pərvanənin ailəsinin gözünü qorxutmaq fikrində olub. O, sevdiyi qızdan başqası ilə ailə qurmayacağını bildirib.

Xəbərdə deyilir ki, hadisədə ağır yaralanan və 1 qolu amputasiya edilən Fəqanın vəziyyəti normaldır. O, ayılanda həkimlərə deyib ki, iynə vurub öldürsünlər, belə yaşamaq istəmir.

Gənc qızınsa səhhətinin kafi olduğu bildirilir. Onun üz nahiyəsinin yandığı söylənsə də, sadəcə, əlində yanıq və cızıq izləri var.

Qeyd edək ki, Fəqanın qonşusu Rauf Məmmədli hadisə haqda bunları yazmışdı:

“Bu hadisə ilə bağlı detallı bir jurnalist araşdırması yoxdur. Hadisə barədə məlumat yayan saytların mütləq əksəriyyəti xəbərə transformator şəkli qoyaraq, öz ağıllarının məhsulu ilə bu mövzuda yazı yazıblar.

Bu hadisənin intihara cəhd olub-olmaması müzakirə olunmur. Bəlkə gənclər hansısa problemdən dolayı ölümü çıxış yolu kimi görüblər və belə addım atıblar?!”
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]