Bizimlə əlaqə | Reklam
BolgeXeber.Com » Ölkə » Fuad Muradovun nitqi niyə qurudu?

Fuad Muradovun nitqi niyə qurudu?

30-10-2015, 11:25
Oxunub: 4 338 Fuad Muradovun nitqi niyə qurudu?Deputatlığa namizəd seçiciləri ilə görüşdə verilən sualların qarşısında aciz qalıb

Noyabrın 1-də keçiriləcək parlament seçkilərinə artıq sayılı günlər qalıb. Seçki kampaniyaları da bu səbəbdən bitməyə başlayıb. Lakin bəzi namizədlər qanunun icazə verdiyi müddətə qədər seçicilərlər görüşüb, onların dəstəyini almağa çalışırlar.

JAM.AZ xəbər verir ki, 34 saylı Xətai ikinci seçki dairəsi üzrə deputatlığa namizəd Fuad Muradov da bu qəbildən təbliğat aparanlardandır. Bu gün sözügedən şəxs rayonun Rahib Məmmədov və Xudu Məmmədov küçələrində 10 binanın sakinləri ilə görüşlər keçirib.

Xeyli sayda insanın toplaşdığı görüşdə maraqlı söhbətlər qeydə alınsa da, Fuad Muradovun nitqini qurudan hallar da olub. JAM.AZ-a verilən məlumata görə, deputatlığa namizəd camaatın qarşısında xeyli məsələlərdən danışıb və sonra onların sözünü dinləməyə başlayıb. Bu zaman seçicilərdən bir çoxu ona müxtəlif suallar verməyə başlayıb.

Məlumatda deyilir ki, Fuad Muradovun nitqini qurudan əsas sual isə onun niyə Xətai rayonunu seçməsi, Səbayeldəki seçki dairəsindən imtina etməsi, parlamentdə ümumiyyətlə sosial problemlərdən danışmaması, seçkidən seçkiyə seçiciləri yadına salması, qəbuluna gələnləri qəbul etməməsi və digərləri olub. Bildirilir ki, deputatlığa namizəd bu sualların qarşısında aciz qalıb və qısa, qırıq-qırıq cavablar verməklə görüşü başa çatdırıb.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]