BolgeXeber.Com » Ölkə » Sabunçunun icra başçısı əlilə iki sot torpağı qıymır...

Sabunçunun icra başçısı əlilə iki sot torpağı qıymır...

3-12-2015, 13:54

Oxunub: 4 340

Bu gün- 3 dekabr Beynəlxalq Əlillər günüdür

Beynəlxalq Əlillər Günü ərəfəsində Moderator.az-a müraciət edən 1-ci qrup əlil, 1965-ci il təvəllüdlü Hüseynov Məmmədhüseyn Ağamirzə oğlu səsinin bizim vasitəmizlə müvafiq qurumlara çatacağına ümidlidir.

3 ildir ki, Mərdəkan Müalicə Pansionatında yaşayan, kimsəsiz kimi Sabunçu rayonunun Albalıq deyilən ərazisində qeydiyyata götürülmüş Hüseynov Məmmədhüseyn çox şey istəmir, həyatda ən böyük arzusu cəmi-cümlətanı ikicə sot torpağa sahib olmaqdır.

Şikayətçi deyir ki, torpağı olsa, həm koma tikər, həm də özünün dolanışığını təmin edər: "İki sot torpaq versinlər. Demirəm ki, özümə ev tikəcəm. Hin kimi düzəldim, arabım-zadım girsin, yetər. Əziyyət çəkirəm vallah, iki sot torpaq nədir ki, onu mənə qıymırlar? Dövlət sağ olsun, vəsait-filan ayırır, amma o mənə gəlib çatmır. Dava-dərmanı ona-buna yalvara-yalvara alıram. Kiminlə ailə qurmaq istəyirəmsə, pansionatda yaşadığımı görüb gəlmir mənə. Torpağım olsa nəsə əkər və satar, çörəkpulumu eləyərəm də. Ya da iki dənə toyuq, iki dənə qaz saxlayaram məni dolandırar da. Şükür, əlim-qolum işləyir. Mən icra hakiminin ikinci müavinin yanına getdim, o dedi, get bələdiyyə müraciət elə. Bələdiyyə sədri icra nümayəndəsinin üstünə göndərdi. Mən də əlil adamam. Taksi ilə gedib-gəlirəm harasa. Taksiyə verməkdən pulum da qurtardı, qaldım yolda. İki sot torpaq onların əlində nədir ki, məni belə get-gələ salırlar. Ev-zad istəmirəm vallah, iki sot torpaq versinlər bəsimdir".

Biz də ümid edirik ki, Sabunçu rayon İcra Hakimiyyətində bu yazını oxuyacayaq və Məmmədhüseyn Hüseynovun ən böyük arzusunu gözündə qoymayacaqlar.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]