Aşıqlar Birliyində kürsü davası qızışır - İDDİA
25-02-2016, 10:31
Oxunub: 2 987
Xalq şairi Zəlimxan Yaqubun vəfatından sonra Azərbaycan Aşıqlar Birliyi sədrinin kreslosu boşdur
Qaynar.info xəbər verir ki, artıq Z.Yaqubun vəfatından 40 gün ötdüyündən bu vəzifəyə aşkar-gizli iddialılar ortaya çıxmaqdadır.
Gəzən söz-söhbətlərə görə, sədrlik iddiasında olanlardan biri də professor Məhərrəm Qasımlıdır. Bu haqda məlumat verən mənbənin sözlərinə görə, əslində Məhərrəm Qasımlı AAB-nin birinci katibi olduğundan bəlkə də, burda qeyri-adi bir şey yoxdur. Çünki o, həm də folklorşünasdır.
Amma məsələ burasındadır ki, son illərdə M.Qasımlının da səhhətində ciddi problemlər yaranıb. 2014-cü ildə hətta aylarla xəstəxanada yatıb. Hazırda da ciddi həkim nəzarətindədir. Elə xəstəlik səbəbindən də “Mədəniyyət” kanalında apardığı verilişi dayandırmalı olub.
Aşıqların əksəriyyətinin də fikri budur ki, M.Qasımlı bu vəzifəyə layiq olsa da, sadəcə olaraq belə bir ağır və məsuliyyətli işin altına girməsi mümkünsüzdür. Çünki əvvəla, o, AMEA-nın Ədəbiyyat İnstitutunun direktor müavini kimi çox məsul bir vəzifəni də daşıyır, bir neçə ali məktəbdə dərs deyir. Digər tərəfdən də səhhətində ciddi problemlər var. Ona görə də aşıqların əksəriyyəti M.Qasımlıya hörmətlərini ifadə etməklə yanaşı, onun indiki halda bu vəzifənin məsuliyyətini daşıyacaq durumda olmadığını bildirilər.
Bir müddət əvvəl M.Qasımlının səhhətiylə əlaqədar bu vəzifəni qəbul etmək istəmədiyi bildirilsə də, son günlər onun daha bir vəzifəyə yiyələnmək həvəsində olduğu üzə çıxır. Bu işdə ona Mədəniyyət və Turizm Nazirliyindəki dostları himayədarlıq edirl. Mədəniyyət və Turizm Nazirliyindən aşıqların rəyini nəzərə almadan M.Qasımlını sədr etmək istəyənlər var ki, bu da sonunda aşıqların ciddi narazılığına səbəb ola bilər. Aşıqlar isə istəyir ki, bu vəzifəyə daha gənc və enerjili, sənəti bilən, təşkilatçılıq qabiliyyəti yüksək olan, aşıqlar tərəfindən qəbul ediləcək biri seçilsin.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər