BolgeXeber.Com » Ölkə » Tərtərdə əhali tibbi müayinəyə həvəslə qatılır

Tərtərdə əhali tibbi müayinəyə həvəslə qatılır

20-03-2016, 09:21
Oxunub: 1 490 Tərtərdə əhali tibbi müayinəyə həvəslə qatılırAzərbaycan Respublikasının Prezidenti cənab İlham Əliyevin tapşırığına əsasən Səhiyyə Nazirliyi tərəfindən fevral ayının 15-dən may ayının 2-dək əhalinin pulsuz tibbi müayinədən keçirilməsinə başlanılıb

Bununla əlaqədar olaraq Tərtər Rayon İcra Hakimiyyətinin başçısı tərəfindən Sərəncam imzalanaraq müvafiq komissiya yaradılmış və qrafik hazırlanmışdır. Qrafik əsasında Rayon Mərkəzi Xəstəxanasının tibb işçiləri əhalinin sağlamlığının qorunması, müalicəsi və profilaktikası məqsədilə fevral ayının 15-dən əhalinin tibbi müayinəsinə başlamışdır. Tibbi müayinə rayon Mərkəzi Xəstəxanası ilə yanaşı Azadqaraqoyunlu və Bəyimsarov kənd xəstəxanalarında da aparılır. Tibbi müayinə başlayandan mart ayının on doqquzunadək ümumilikdə 22701 nəfər tibbi müayinədən keçmiş, onlardan 1770 nəfər ambulator, 28 nəfər stasionar müalicəyə cəlb olunmuş və 3 nəfər isə müalicə üçün Bakı şəhərinə yollanmışdır. 59 təşkilatda tibbi müayinə başa çatmışdır. Fevral ayından başlanan tibbi müayinə may ayının 2-dək davam edəcəkdir. Ümumilikdə tibbi müayinədən rayonun 51 yaşayış məntəqəsindən 57343 nəfərin keçməsi nəzərdə tutulmuşdur.
Respublika Prezidentinin əhalinin tibbi müayinədən keçirilməsi ilə bağlı tapşırığını cəbhə bölgəsində yaşayan tərtərlilər minnətdarlıqla qarşılamışlar və dövlət başçısına öz təşəkkürlərini bildirmişlər.
Bolgexeber.com
Tərtərdə əhali tibbi müayinəyə həvəslə qatılır
Tərtərdə əhali tibbi müayinəyə həvəslə qatılır