BolgeXeber.Com » Ölkə » “Əcnəbiləri milliləşdirir, öz idmançılarımızı isə itiririk”

“Əcnəbiləri milliləşdirir, öz idmançılarımızı isə itiririk”

18-08-2016, 12:50

Oxunub: 3 402

Araz Əlizadə: “İdmançılarımızın uğurunda da, uğursuzluğunda da idman nazirinin payı var”

Azərbaycan idmançılarının Rio olimpiyadasında o qədər də yüksək nəticələr sərgiləməməsi media və sosial şəbəkələrdə gənclər və idman naziri Azad Rəhimova yönəlik tənqid və ittihamların artmasına səbəb olub.
Maraqlıdır, A.Rəhimov idmançılarımızın olimpiyadadakı uğursuz çıxışlarına görə məsuliyyət daşıyırmı?
Məsələ ilə bağlı Moderator.az-a açıqlama verən millət vəkili Araz Əlizadə idman naziri kimi A.Rəhimovun uğur və uğursuzluqlarda pay sahibi olduğunu urğuladı:
“Təbii ki, idman naziri idmançılarımızın uğurlu çıxışlarında olduğu kimi, uğursuzluqlarında da məsuliyyət payı var. Doğrudur, o, idmançıların yerinə meydana çıxıb mübarizə aparmır. Lakin o, təşkilatçı kimi məsulıiyyətə sahibdir. Bundan başqa, biz əcnəbi idmançıları milliləşdirməklə, öz idmançılarımızı itiririk. Nicat Rəhimov nümunəsi buna misaldır. Biz bu idmançıya şərait yaratmadıq, lakin Qazaxıstan onu milliləşdirməklə olimpiyadada qızıl medal qazandı. Bu, idman nazirliyinin səhvidir.
Hesab edirəm ki, idman nazirliyi bu kimi məsələlərdə diqqətli olmalı, doğru seçimlər etməli və idmançılarımızı doğru qiymətləndirməyi bacarmalı, onların özlərini göstərməsinə şərait yaratmalıdır”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]