Bizimlə əlaqə | Reklam
BolgeXeber.Com » Ölkə » Məktəblərin qarşısında avtomobil saxlamaq olarmı? – Yol polisindən açıqlama

Məktəblərin qarşısında avtomobil saxlamaq olarmı? – Yol polisindən açıqlama

22-12-2016, 13:05
Oxunub: 4 535 Məktəblərin qarşısında avtomobil saxlamaq olarmı? – Yol polisindən açıqlamaBakıda orta məktəblərin qarşısında avtomobillərin 15 dəqiqə müddətində saxlanmasına icazə verilməsi üçün əvvəlcə ona şərait yaradılmalıdır

Bu barədə Trend-ə Bakı Şəhər Baş Polis İdarəsinin Dövlət Yol Polisi İdarəsinin ictimai qurumlarla əlaqə bölməsinin rəisi, polis polkovniki Vaqif Əsədov Milli Məclisdə orta məktəblərin qarşısında avtomobillərin saxlanması üçün 15 dəqiqəlik icazə verilməsi ilə bağlı təklifə münasibət bildirərkən deyib.

V.Əsədov bildirib ki, bu gün icazə verilmədiyi halda belə, pik saatlarda məktəblərin qarşısında sıxlıq yaranır: “İcazə verilsə, vəziyyət daha çətin olacaq. Problemdən çıxış yolu kimi məktəblərin ətrafında dayanacaqların yaradılması daha məqsədəuyğundur. Amma indiki şəraitdə paytaxtın mərkəzindəki məktəblərin ətrafında avtomobil dayanacaqlarının yaradılması da mümkün deyil. Bir real variant var ki, bu da uşaqların ictimai nəqliyyatla müxtəlif məntəqələrdən daşınmasının təşkil edilməsidir”.

V.Əsədov vurğulayıb ki, gələcəkdə inşa ediləcək təhsil müəssisələrində avtomobil duracaqlarının olmasına da diqqət yetirilməlidir.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]