BolgeXeber.Com » Ölkə » Tərtərdə “Şahin” hərbi-idman oyununun zona birinciliyi keçirilib

Tərtərdə “Şahin” hərbi-idman oyununun zona birinciliyi keçirilib

29-04-2017, 09:55

Oxunub: 3 754 Tərtərdə “Şahin” hərbi-idman oyununun zona birinciliyi keçirilib

Aprelin 27-də Tərtər rayonundakı “N” saylı hərbi hissədə yuxarı sinif şagirdləri arasında keçirilən “Şahin” hərbi-idman oyununun zona birinciliyində Ağcabədi və Bərdə komandaları uğurla çıxış edərək, yarışların final mərhələsinə vəsiqə qazanıblar

Zona yarışında Naftalan, Yevlax, Bərdə, Goranboy, Ağcabədi, Ağdam, Xocalı, Şəmkir şəhər və rayonlarını təmsil edən 8 komanda mübarizə aparıb. Əvvəlcə respublikamızın müstəqilliyi və ərazi bütövlüyü uğrunda canlarından keçmiş Vətən övladlarının xatirəsi bir dəqiqəlik sükutla yad edilib.

Yarışların rəsmi açılış mərasimində Tərtər Rayon İcra Hakimiyyətinin ictimai-siyasi və humanitar məsələlər şöbəsi müdirinin müavini Elvin Umudov, Gənclər və İdman İdarəsinin rəisi Emin Pənahov, “N” saylı hərbi hissənin komandir müavini Anar Cavadov çıxış edərək, hər il keçirilən “Şahin” hərbi-idman oyununun yeniyetmə və gənclərin hərbi vətənpərvərlik tərbiyəsi işinin daha da gücləndirilməsində, orta məktəb şagirdlərinin ordu sıralarına xidmətə hazırlanmasında əhəmiyyətini yüksək qiymətləndiriblər.

Bolgexeber.com xəbər verir ki, gənc şahinlər qarşısında hərbi hissənin xüsusi təyinatlı bölüyünün nümunəvi çıxışı nümayiş etdirilib. Sonra yarışlara start verilib.

Hərbi-idman oyununda komandalar sıra hazırlığı, avtomat darağının doldurulması və boşaldılması, avtomatın sökülməsi və yığılması, tüfəngdən hədəfə atəş açılması, fiziki hazırlıq, maneələrin dəf olunması, mülki müdafiə hazırlığı kimi mərhələlərdə qüvvələrini sınayıblar.

Zona mərhələsinin qalibi Ağcabədi və ikinci yerin sahibi Bərdə komandaları “Şahin” hərbi-idman oyununun mayın əvvəllərində Bakıda keçiriləcək final mərhələsində iştirak etmək hüququ qazanıblar. Tərtərdə “Şahin” hərbi-idman oyununun zona birinciliyi keçirilib

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]