Bizimlə əlaqə | Reklam
BolgeXeber.Com » Ölkə » Azərbaycan futbolunda iyrənc olay: Məşqçi uşağa ayaqqabısını öpdürüb, videosunu yaydı

Azərbaycan futbolunda iyrənc olay: Məşqçi uşağa ayaqqabısını öpdürüb, videosunu yaydı

9-07-2018, 12:33
Oxunub: 3 910 Azərbaycan futbolunda iyrənc olay: Məşqçi uşağa ayaqqabısını öpdürüb, videosunu yaydıBakıda fəaliyyət göstərən “Vətən” Futbol Məktəbində xoşagəlməz hadisə yaşanıb

Yenicag.az xəbər verir ki, U-11 komandasının baş məşqçisi Samir Əbdürrəhmanov yetirmələrinə qarşı iyrənc əməl edib

Belə ki, adıçəkilən şəxs uşaqları döyür, söyür, bu azmış kimi həmin anı videoya çəkərən komanda üzvləri arasında yayır. Bu şikayətlə ilə valideynlərdən biri Yenicag.az-a müraciət edib.
Adının açıqlanmasını istəməyən valideynin sözlərinə görə, Samir Əbdürrəhmanov etdiyi digər əməl bağışlanmaz cinsdəndir. İş burasındadır ki, U-11-in çalışdırıcısı yetirmələrindən birinə ayaqqabısını öpdürüb, daha sonra lentə aldığı həmin anı da çəkinmədən uşaqlar arasında yayıb. Sözügedən video valideyndə var. Sadəcə, övladı sarsılmasın deyə, həmin anı ictimailəşdirmək istəmir.
Qəribəsi odur ki, Əbdürrrəhmanovun özü də heç nə olmamış kimi, belə bir iyrənc əməl etdiyini danmır. O, qəbahət iş görmədiyini düşünür. Uşağının ciddi psixoloji travma aldığını söyləyən valideyn Samir Əbdürrəhmanovla telefon söhbəti edərkən məşqçi heç kimdən çəkinmədiyini söyləyib. O, AFFA-nın Məşqçilər Komitəsinin sədri olan dayısı Vaqif Sadıqova güvəndiyini bildirib.
Ancaq şikayətçi valideyn məsələni bu yerdə qoymaq niyyətində deyil. O, ən qısa vaxt ərzində hadisə ilə bağlı Respublika Baş Prokurorluğa müraciət edəcək. Qeyd edək ki, iyrənc olayların cərayən etdiyi “Vətən”in prezidenti Mustafa Həsənovdur. Sözügedən məktəb Təhsil Nazirliyi tərəfindən maliyyələşir və illik büdcəsi iki milyon manata bərabərdir.
Xatırladaq ki, gənclərdən ibarət Azərbaycan millisinin sabiq üzvü olan Samir Əbdürrəhmanov futbolçu karyerası ərzində “Şəfa”, “Dinamo- Bakı”, “İnter”, “Masallı” və “Bakı” kimi klublarında çıxış edib. 2006-cı ildə futbolçu karyerasını başa vuran Əbdürrəhmanov məşqçi kimi fəaliyyət göstərib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]