Bizimlə əlaqə | Reklam
BolgeXeber.Com » Ölkə » Səhiyyə Nazirliyi doğum evlərində araşdırmalara başladı

Səhiyyə Nazirliyi doğum evlərində araşdırmalara başladı

9-01-2019, 12:23
Oxunub: 3 790 Səhiyyə Nazirliyi doğum evlərində araşdırmalara başladı"Azərbaycanda neonatal skrininq proqramının pilot layihəsi hazırlanıb”.

Bolgexeber.com "Report”a istinadən xəbər verir ki, bunu K.Fərəcova adına Elmi Tədqiqat (ET) Pediatriya İnstitutunun direktoru, Səhiyyə Nazirliyinin pediatriya üzrə baş mütəxəssisi Nəsib Quliyev deyib.

Onun sözlərinə görə, artıq skrininq üçün avadanlıq sifariş olunub.

N.Quliyev qeyd edib ki, pilot layihənin hazırlanmasında məqsəd yenidoğulanlar arasında tez-tez rast gəlinən fenilketonuriya, hipotireoz, mukovissidoz, adrenogenital sindrom, qlikogenoz kimiirsi xəstəliklərin erkən diaqnostikasını təmin etməkdir.

Baş pediatr əlavə edib ki, ana südü ilə qidalanmanın kütləviliyini təmin etmək məqsədi ilə təbii qidalanma üzrə klinik protokollar hazırlanıb, eyni zamanda, doğum evlərində uşaqların qidalandırılması ilə bağlı monitorinqlərə başlanılıb: "Əsas məqsəd ölkədə uşaq ölümü göstəricisini yaxın bir-iki il ərzində inkişaf etmiş ölkələrin göstəriciləri səviyyəsinə çatdırmaqdır”.

O xatırladıb ki, ötən ilin 11 ayı ərzində ölkədə 119 769 nəfər uşaq dünyaya gəlib: "2017-ci ilin müvafiq dövrü üçün bu göstərici 126 693 nəfər təşkil edib”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]