BolgeXeber.Com » Ölkə » Dövlət büdcəsinin icrası gəlir - Parlamentin yaz sessiyası bitir

Dövlət büdcəsinin icrası gəlir - Parlamentin yaz sessiyası bitir

18-05-2019, 12:42

Oxunub: 4 334

Milli Məclisin (MM) yaz sessiyası başa çatır.

Parlamentin 2019-cu il yaz sessiyasının sonuncu plenar iclası mayın 31-də keçiriləcək.

İclasda bir sıra qanun və məcəllələrə dəyişikliklərlə yanaşı, 2018-ci ilin dövlət büdcəsinin icrasına da baxılacaq.

Dövlət büdcəsinin icrası ilə bağlı qanun layihəsinin yaxın günlərdə MM-in İqtisadi siyasət, sənaye və sahibkarlıq komitəsinin iclasında müzakirəsi nəzərdə tutulur.

İclasda komitə üzvləri ilə yanaşı, bir sıra dövlət qurumlarının-komitə və nazirliklərin məsul şəxslərinin, o cümlədən, maliyyə naziri Samir Şərifovun iştirakı planlaşdırılır.

S.Şərifov dövlət büdcəsinin icrası ilə bağlı məlumat verəcək və millət vəkillərinin sual-təkliflərini cavablandıracaq.

Sonra qanun layihəsi MM-in sonuncu plenar iclasına çıxarılaraq, qəbul ediləcək.

İyun ayında isə MM-in ən azı iki növbədənkənar iclası keçiriləcək.

İyun ayının sonlarında millət vəkilləri növbədənkənar iclasları başa çatdırıb, sentyabr ayının 15-nə kimi yay tətilinə yollanacaqlar.

Millət vəkilləri bir də sentyabr ayının 15-də növbəti payız sessiyasının komitə iclaslarına qatılaraq, fəaliyyətlərini davam etdirəcəklər.

Büdcə sessiyası kimi tanınan payız sessiyası isə oktyabr ayının 1-də öz işinə start verəcək və dekabr ayının 29-30-da öz işini başa çatdıracaq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]