BolgeXeber.Com » Ölkə » İlansancmaların ən çox olduğu rayonlar açıqlandı – Avqustda daha da artacaq

İlansancmaların ən çox olduğu rayonlar açıqlandı – Avqustda daha da artacaq

25-07-2019, 12:10

Oxunub: 4 201 İlansancmaların ən çox olduğu rayonlar açıqlandı – Avqustda daha da artacaq

Yay fəslində Azərbaycanda ilansancma hadisəsinin daha çox qeydə alındığı rayonlar açıqlanıb.

Kliniki Tibbi Mərkəzin Toksikologiya şöbəsinin baş həkimi Azər Maqsudovun Oxu.Az-a verdiyi məlumata görə, bu rayonlar Qəbələ, Şirvan, Hacıqabul, Kürdəmir, Yevlax və Bərdədir.

Baş həkim bildirib ki, rəhbəri olduğu şöbəyə ən çox müraciət adıçəkilən rayonlardan gəlir:

“Bakı və ətraf qəsəbələr, o cümlədən Xəzər və Qaradağ rayonları, Güzdək və daş karxanası olan ərazilərdən də tez-tez müraciətlər daxil olur. Amma Xaçmaz, Şirvan, Şamaxı, Yevlax, Bərdə, Qəbələ, Tovuz, Şəmkir, Gəncə və cənub rayonlarından müraciətlər üstünlük təşkil edir”.

A.Maqsudov qeyd edib ki, ilansancma faktları, əsasən, aprel ayından başlayır:

“Apreldən bu günə kimi 47 hadisə baş verib. Bunlar, əsasən, gürzə sancması faktıdır. Onlardan 16-nın vəziyyəti kəskin ağır olub. Hətta ilansancma ilə bağlı müraciət edənlər arasında dörd az yaşlı uşaq da olub. Amma Toksikologiya şöbəsində ölüm faktı qeydə alınmayıb”.

Baş həkimin sözlərinə görə, avqustda da havalar isti olacağı üçün müraciətlərin sayı bir qədər arta bilər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]