BolgeXeber.Com » Ölkə » Bakıda ictimai çimərliklər yaradılır - SİYAHI

Bakıda ictimai çimərliklər yaradılır - SİYAHI

26-07-2019, 15:21

Oxunub: 3 790

Bakı şəhərində çimərlik mövsümündə vətəndaşlardan daxil olmuş müraciətlər, onların istək və arzuları nəzərə alınaraq aidiyyatı dövlət qurumlarının tapşırıqlarına əsasən paytaxtın bir sıra dənizkənarı ərazilərində ictimai çimərliklərin yaradılması işlərinə başlanıb

Bakı Şəhər İcra Hakimiyyətinin mətbuat xidmətindən verilən məlumata görə, ilkin mərhələdə bu çimərliklər Səbail rayonu “Şıx” ərazisində və Novxanı qəsəbəsində, sonradan isə Hövsan, Buzovna, Bilgəh, Nardaran, ümumilikdə 7 ərazidə yaradılacaq. Çimərliklərə giriş pulsuz olacaq, müvafiq qurumlar tərəfindən bura nəzarət ediləcək.
Xatırladaq ki, BŞİHçimərlik ərazilərinə və sahilyanı zonalara girişin pulsuz olması ilə bağlı məlumat yaymışdı.
Həmçinin müxtəlif çimərliklərdə reyd keçirilərək, orada olan qapılar, şlaqbaumlar, habelə qiymət yazılan lövhələr götürülmüş, eyni zamanda, sahibkarlara xəbərdarlıq edilmişdi ki, çimərlik ərazilərinə giriş pulsuzdur və əhalidən yalnız xidmətə görə pul almaq olar.
Bundan başqa məsələ ilə əlaqədar “Qaynar xətt” fəaliyyətə başlayıb və vətəndaşlar çimərliklərə getdikdə girişin ödənişli olduğunu görəndə 012 566-83-71 əlaqə nömrələrinə zəng edib məlumat verə bilərlər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]