BolgeXeber.Com » Ölkə » Prezident Administrasiyasında bu iki vəzifə boşdur

Prezident Administrasiyasında bu iki vəzifə boşdur

2-11-2019, 14:58
Prezident Administrasiyasında bu iki vəzifə boşdurBaş nazir vəzifəsinə təsdiqlənən Əli Əsədovun adı Prezidentin İqtisadi məsələlər üzrə köməkçisi – şöbə müdiri siyahısından çıxarılıb.

Bolgexeber.com oxu.az-a istinadən xəbər verir ki, Prezident Administrasiyasının saytında bu vəzifədə olan şəxsin adı göstərilməyib.

Qeyd edək ki, oktyabrın 8-də Milli Məclis Əli Əsədovun Baş nazir təyin olunmasına razılıq verdi.

Prezident İlham Əliyev isə Əli Əsədovun Baş nazir təyin olunması ilə bağlı sərəncam imzaladı.

Ə.Əsədov Baş nazir postuna gətirilənə qədər Prezidentin İqtisadi məsələlər üzrə köməkçisi – şöbə müdiri vəzifəsini tuturdu.

Bununla yanaşı, Prezident Administrasiyasının İnnovativ inkişaf və elektron hökumət məsələləri şöbəsinə də hələlik təyinat olmayıb.