Bizimlə əlaqə | Reklam
BolgeXeber.Com » Ölkə »  "Bu şəkildə uşaqlarının məktəbdə oxuması doğru deyil..." - GİLEY

 "Bu şəkildə uşaqlarının məktəbdə oxuması doğru deyil..." - GİLEY

9-12-2019, 09:40
Oxunub: 3 957  "Bu şəkildə uşaqlarının məktəbdə oxuması doğru deyil..." - GİLEYBakının Sabunçu rayonunun Kürdəxanı qəsəbəsində yerləşən Hüseynbala Ağaverdiyev adına 113 nömrəli məktəbdə şagirdlər soyuqdan donur.

Bu haqda Moderator.az-a bir qrup valideyn şikayət edərək problemin həll edilməsini istəyiblər.

Onların sözlərinə görə havaların soyumasına baxmayaraq məktəbdə istilik sistemləri hələ ki, işə salınmayıb və sinif otaqları soyuq olduğu üçün şagirdlər üşüyür. Dərsə gələn şagirdlər sinif otaqlarında isitmə sistemləri olmadığı üçün gödəkçələrini əyinlərindən çıxarmırlar. Valideynlər isə deyir ki, bu şəkildə uşaqlarının məktəbdə oxuması doğru deyil, soyuq sinif otağında oxuyan uşaq sözsüz ki, xəstələnəcək və dərsdən qalacaq.

Qeyd edək ki, 2400 şagirdin təhsil aldığı məktəb bu il Birinci vitse-prezident Mehriban xanım Əliyeva tərəfindən əsaslı təmir etdirilib. Məktəbin direktoru isə Rövşən Qasımovdur. Hələ ötən dəfə saytımıza danışan məktəb direktoru təmir zamanı məktəbin istilik sisteminin təkminləşdirildiyini və əlavə qazanxanalar quraşdırıldığını bildirmişdi. Görünür hələ şagirdlər təzə qazanxanaların işə düşməsi üçün bir az da gözləməli olacaqlar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]