Bizimlə əlaqə | Reklam
BolgeXeber.Com » Ölkə » Azərbaycanda “Sputnik V” vaksininin istifadəsinə başlanılıb

Azərbaycanda “Sputnik V” vaksininin istifadəsinə başlanılıb

19-05-2021, 12:11
Oxunub: 2 976 Bu gündən yeni növ koronavirus infeksiyasına qarşı peyvəndlənmə məqsədi ilə Rusiya istehsalı olan "Sputnik V” vaksininin istifadəsinə başlanılıb.

Vətəndaşlar peyvəndi Bakı Sağlamlıq Mərkəzində vurdura bilərlər.

18 yaşından yuxarı olan və əksgöstərişləri olmayan hər bir vətəndaş peyvənd oluna bilər.

Qeyd edək ki, "Sputnik V” vaksini artıq dünyanın 65 ölkəsi tərəfindən tanınıb. Mayın 2-də Azərbaycanın Rusiyadan aldığı "Sputnik V” vaksininin ilk partiyası 40 min doza peyvəndi ölkəyə gətirilib.

Azərbaycanda koronavirusla mübarizə məqsədilə peyvəndləməyə yanvarın 18-dən start verilib. Hazırda ölkədə "Sputnik V” ilə yanaşı Çin istehsalı olan "Sinovac”, Böyük Britaniya-İsveçrə şirkətinin "AstraZeneca” vaksinindən də istifadə olunur.

Azərbaycanda bu günə qədər vurulan vaksinlərin ümumi sayı 1 834 657, birinci mərhələ üzrə peyvənd olunanların ümumi sayı 1 042 781, ikinci mərhələ üzrə vaksinasiya edilənlərin sayı 791 876 nəfər təşkil edir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]