Bizimlə əlaqə | Reklam
BolgeXeber.Com » Mədəniyyət » “Şöhrət” ordenli fotoqraf dünyasını dəyişdi

“Şöhrət” ordenli fotoqraf dünyasını dəyişdi

29-06-2018, 11:28
Oxunub: 4 902 “Şöhrət” ordenli fotoqraf dünyasını dəyişdiTanınmış fotomüxbir və peşəkar fotoqraf, əməkdar jurnalist və əməkdar incəsənət xadimi, “Qızıl qələm” mükafatı laureatı Yaşar Xəlilov 84 yaşında vəfat edib.

Yaşar Xəlilovun yaradıcılığının və əmək fəaliyyətinin 46 ili Azərbaycan Dövlət İnformasiya Agentliyi – "Azərtac"la bağlı olub.

1934-cü il aprelin 11-də Bakıda anadan olan Yaşar Xəlilov əmək fəaliyyətinə “Azərbaycan gəncləri” qəzetinin idman şöbəsində başlayıb. Sonradan müsabiqə yolu ilə “Bakı” qəzetində işə qəbul edilib. 1959-2005-ci illərdə AZƏRTAC-da çalışıb. O vaxt təkcə Azərbaycanda deyil, SSRİ məkanında da tanınan Yaşar Xəlilov respublikamızda yeganə fotojurnalistdir ki, 5 Olimpiya Oyunlarını - Münxen, Monreal, Moskva, Los-Anceles və Seul Olimpiadalarını işıqlandırıb, fotoşəkilləri bir sıra mötəbər beynəlxalq mükafatlara layiq görülüb.

Yaşar Xəlilov Moskvada “Fotoreportaj və jurnalistika” kurslarını bitirib.

O, “Şöhrət” ordeni ilə təltif edilmiş, bir sıra fəxri adlara layiq görülmüşdü.

Allah rəhmət eləsin!
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]