BolgeXeber.Com » Mədəniyyət » “Planet Parni iz Baku”ya hansı TV-lər niyə qadağa qoyub?

“Planet Parni iz Baku”ya hansı TV-lər niyə qadağa qoyub?

4-03-2019, 18:28

Oxunub: 8 013

Bir neçə gün öncə Prezident İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşdülər

Görüş bir çox məqamlarla yadda qalıb. Belə məqamlardan biri də ölkə başçısı ilə “Planet Parni iz Baku” KVN teatrının bədii rəhbəri, əməkdar artist Tahir İmanov arasında söhbətdir.

Tahir İmanov Prezidentə bütün televiziyalar tərəfindən “Planet Parni iz Baku” KVN teatrının əməkdaşlarına efir qadağası qoyulduğunu bildirib. Prezident isə bu məsələdən xəbərsiz olduğunu bildirib və deyib ki, heç kim onlara dövlət səviyyəsində qadağa qoya bilməz, məsələ həllini tapmalıdır. Ölkə başçısı özəl telekanalları da tövsiyə edib ki, belə qadağalardan çəkinsinlər.
Maraqlıdır, hansı TV-lər “Planet Parni iz Baku” KVN teatrının əməkdaşlarına efir qadağası qoyub? Və niyə?

Modern.az məsələ ilə bağlı bir neçə özəl telekanalla əlaqə saxlamağa çalışıb.

“Space” TV-nin icraçı direktoru Kamil Şahverdiyev bildirib ki, onlar kimə qadağa qoymayıblar:

““Planet Parni iz Baku”in tamaşaları uzun müddət “Space” TV-də yayımlanıb, heç bir qadağa olmayıb. Onlar bizdən çıxıb başqa kanallara getdilər, ondan sonra heç bir danışığımız olmayıb. Burada bizdən qaynaqlanan bir problem yoxdur. Yenidən bizə müraciət etsələr baxmaq olar”.

ARB TV-nin mətbuat katibi Ozal İbrahimli bildirib ki, təmsil etdiyi telekanalda Tahir və Cabir İmanov qardaşlarına nə bu gün hansısa qadağa var, nədəki dünən olub:

“Onlardan bizə heç bir müraciət daxil olmayıb. Yaradıcı proses belədir ki, verilişlərin qonaqları mövzulara uyğun seçilir. Mövzu uyğunluğu olarsa, niyə də kanalımıza dəvət olunmasınlar? Ümumiyyətlə, kanalımızda “qara siyahı” anlayışı yoxdur”.

“Xəzər” TV, ATV və “Lider” TV-yə gün ərzində dəfələrlə zəng etsək də, telefona cavab verən işçilər sualımızı eşidən kimi cavab verməkdən yayındılar, əməkdaşlar bizi bir-birlərinin üstünə yönləndirdilər və sonda da telefonları qapatdılar...

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]