BolgeXeber.Com » İqtisadiyyat » “Kempinski” Bakıdan getdi

“Kempinski” Bakıdan getdi

30-07-2016, 11:50

Oxunub: 3 834

“Kempinski Hotel Badamdar” hotelinin adı dəyişdirilib

Bolgexeber.com haqqın.az-a istinadən xəbər verir ki, hoteldən verilən məlumata görə, “Kempinski” şirkəti və “Kempinski Hotel Badamdar”ın sahibkar şirkəti 31 iyul 2016-cı il tarixindən idarəçilik müqaviləsini bitirmək üzrə ikitərəfli razılıq veriblər:

“Hotel fəaliyyətini “Badamdar Hotel Baku” adı ilə tam şəkildə davam edəcək”, - hoteldən bildirilib.

Xatırladaq ki, “Kempinski Hotel Badamdar”ın açılışı 2011-ci ilin sentyabrın 1-də baş tutmuşdu. O Bakıda “Kempinski” beynəlxalq hotellər şəbəkəsinin ilk “Resort” hoteli idi.

“Badamdar Hotel Baku” şəhər daxilində yerləşir və işgüzar və istirahət məqsədli turistlər və ailələr üçün yüksək səviyyəli imkanlar təklif edir.

Hotelin imkanlarına ustalıqla hazırlanmış 280 otaq və lüks otaqlar, 38 tam təchiz olunmuş və xidmət göstərilən mənzil, 36 tam təchiz olunmuş ofis, 19 görüş otağı, qəbələ ziyafət və auditoriya zalları, iki restoran və iki bar, eləcə də 3500 kvadratmetr sahəsi ola böyük SPA və fitness mərkəzi, qapalı və açıq hovuz, tennis kortu, basketbol meydançası, əyləncə mərkəzi və akvapark daxildir.

Çox Oxunanlar