BolgeXeber.Com » İqtisadiyyat » Azərbaycanda ödəniş terminalları çökdü

Azərbaycanda ödəniş terminalları çökdü

3-09-2016, 13:17

Oxunub: 7 785

Azərbaycanın iki aparıcı ödəniş sistemi - "E-manat" və "MilliÖn"ün işində çətinliklər yaranıb

Bolgexeber.com Report-a istinadən xəbər verir ki, Bu şəbəkələrə aid ödəniş terminallarının xidmətindən istifadə edən zaman aparatların monitorunda sistemin müvəqqəti işləmədiyi deyilir.
Son nəticədə vətəndaşlar bank, kommunal, rabitə və digər ödənişləri həyata keçirə bilmirlər.
Qeyd edək ki, "E-manat" teminalları "Modenis" MMC-yə, "MilliÖn" terminalları isə "Komtek" MMC-yə məxsusdur.
Məsələ ilə bağlı "Report"a açıqlama verən "Modenis" şirkətinin direktor müavini Vüsal Süleymanov bildirib ki, ara-sıra bəzi terminalların işində fasilə yaranması mümkündür, amma problem kütləvi deyil: "Terminal kompüter sistemi ilə təchiz olunub, hərdən bəzi terminallarımızda fasilə ola bilər, lakin hazırda əksər terminallarda ödənişlər qəbul edilir və ünvanına çatır".

"Komtek" MMC-nin PR meneceri Ülviyyə Əfəndiyeva isə "Report"a açıqlamasında deyib ki, hazırda təmsil etdiyi şirkət proqram təminatını yeniləyir: "Bu baxımdan terminalların işində çətinliklər mümkündür, amma tezliklə onlar aradan qaldırılacaq və terminallar normal qaydada işləyəcək".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]