BolgeXeber.Com » İqtisadiyyat » 2018-ci ilin son hərracı- 12 dövlət əmlakına 24 sifariş verildi

2018-ci ilin son hərracı- 12 dövlət əmlakına 24 sifariş verildi

25-12-2018, 13:55

Oxunub: 2 747

Əmlak Məsələləri Dövlət Komitəsi dövlət əmlaklarının özəlləşdirilməsindəinvestorların və digər şəxslərin rahat iştirakını təmin etmək üçün prosesə innovativ üsulları cəlb etməkdədir

Müasir elektron prosedurlar ilə hər kəs məkan və zaman fərqi olmadan müraciət şəraiti ilə təmin olunur. Eləcə də, iştirak statusu qazanan şəxslər heç bir yerə getmədən hərraclara onlayn formada qoşulmaqla bütün növ dövlət əmlaklarını özəlləşdirə bilir. Sifarişçilərlə yanaşı, digər şəxslərin də açıq və şəffaf hərracların gedişatını canlı və onlayn formada izləmək imkanı mövcuddur.
Komitə tərəfindən növbəti hərrac 25 dekabr tarixində keçirildi. 2018-ci ilin son hərracına 12 dövlət əmlakı üzrə 24 sifariş qəbul edilmişdir. Belə ki, bu dəfə1 kiçik dövlət müəssisəsi və 4 nəqliyyat vasitəsi hərracda rəqabət yaratdı.
Kiçik dövlət müəssislərindənbiriBakı şəhəri, Xəzər rayonu, Qala qəsəbəsində yerləşir. Yanacaqdoldurma məntəqəsi kimi fəaliyyət göstərmiş obyektin ümumi faydalı sahəsi 32 kv.m-dir. 1709 kv.m-lik torpaq sahəsi ilə birgə özəlləşdirilməsi obyektin iqtisadi potensialını artırır, sahibinə geniş biznes imkanları qazandırır. 2 investorun iştirak etdiyi rəqabətli hərracda adıçəkilən dövlət əmlakı 70 min manata özəlləşdirildi. Bu kateqoriyadan olan dövlət əmlaklarından biri də paytaxtın Qaradağ rayonu, Ələt qəsəbəsindəki mağaza anbarıdır. Torpaq sahəsi ilə birgə özəlləşdirilən əmlakın ümumi faydalı sahəsi 85.7kv.m-dir. Mağaza anbarının müxtəlif xidmət sahələri üzrə fəaliyyəti ilə obyekt investor üçün gəlirli sahəyə çevrilə bilər.Hərracda özəlləşən qeyri-yaşayış sahəsi Mingəçevir şəhəri, N.Rəfibəyliküçəsindədir. Bu obyektin ümumi faydalı sahəsi 17,4 kv.m-dir.
Budəfəki hərracda vətəndaşların maraq göstərdiyi nəqliyyat vasitələri Qaz, Mitsubishi, Ford, Nissan və digər markalara aiddir. Rəqabət yaradan avtomobillərdən biri Hyundai Sonata markalı nəqliyyat vasitəsidir. 6 min manat ilkin qiymət təyin olunmuş bu dövlət əmlakını qalib iştirakçı 9 min 800 manat təklif etməklə özəlləşdirdi.
Dövlət əmlaklarının özəlləşdirilməsi üzrə növbəti hərrac 8 yanvar tarixində keçiriləcək. 2019-cu ilin ilk hərracına ümumilikdə 147 dövlət əmlakı çıxarılıb. Onlardan 87-si kiçik dövlət müəssisə və obyekti, 43-ü qeyri-yaşayış sahəsi, 17-si isə səhmdar cəmiyyətidir. Hərracda iştirak etmək istəyən şəxslər komitənin rəsmi saytı (emdk.gov.az) və Özəlləşdirmə portalına (privatization.az) daxil ola bilər.

Çox Oxunanlar