Bizimlə əlaqə | Reklam
BolgeXeber.Com » İqtisadiyyat » Aviabilet qiymətləri niyə göylə gedir? (VİDEO)

Aviabilet qiymətləri niyə göylə gedir? (VİDEO)

7-03-2019, 17:23
Oxunub: 4 350 Aviabilet qiymətləri niyə göylə gedir? (VİDEO)Biznes və ekonom klass biletlərin qiyməti arasında böyük fərq bu mənzərəni ortaya çıxarıb

Klassa görə qiymət fərqi bütün dünyada var. Amma eyni təyyarədə kəskin qiymət fərqli ilə bilet satışı yolverilməzdir.

ARB TV-nin "Günə doğru” proqramı mövzuyla bağlı maraqlı süjet hazırlayıb.

Müzəffər Ağakərimov - ATA-nın rəsmisi: "Ekonom klasa bileti gərək bir neçə ay öncə alasan, onu dəyişmək də olmur. Həm də baqaj problemi var. Bu kimi fərqlər var və bu fərqlər qiymətlərə təsir edir”.

Səbuhi İsazadə - PR üzrə mütəxəssis: "Təbii ki, qiymət araşdırmasına baxanda, görəcək ki, onun ölkəsindən 3-cü ölkəyə getmək burdan sərfəlidir. Çox yaxşı olar ki, islahatların fonunda dünya meyarlarına görə, qiymət müəyyən edilsin”.

Onlayn aviabilet satışı saytlarına nəzər yetirmək kifayətdir ki, qonşu ölkələrlə aviabilet qiymətində fərqləri görə bilək. Biletlər hətta 20-25 faiz daha ucuz qiymətə təklif olunur. Ekspertlər bunu rəqabət mühiti ilə əlaqələndirirlər.

Vüqar Bayramov - İqtisadçı-Ekspert: "Bazarda rəqabət mühitinin yaradılmasına ehtiyac var. Bir istiqamətə bir deyil bir neçə aviareys açılanda bu qiymətlərə də təsir edər. Şirkətlər arasında rəqamət güclənsə, qiymətlər də enər”.

Bilet qiymətlərinə turizm maraqlarının nəzərə alınması da təsir göstərməlidir. Dünya praktikasında hətta biletlərin dəyərin ucuz satılması halları da var. Buna adətən koorporativ müqavilələrlə satış zamanı və ya uçuşa az qalmış satılmayan biletlərin çox qaldığı hallarda gedilir.

Vüqar Bayramov - İqtisadçı-Ekspert: "ABŞ-da uçuşa az qalmış təklif olunur ki, 50 dollar artıq ver, ekonom klass yerine biznesdə uç. Bir çoxu üçün də bu münasibdir”.

"Azərbaycan Hava yolları”ndan isə bildirilir ki, qiymətlər dünya standartı ilə tənzimlənir. AZAL-ın VIP və Business xidmət sinifləri ən yüksək tarifə malikdir. Bu siniflərin xidmət paketinə təyyarədə ən rahat yerlərlə yanaşı, digər siniflərdə olmayan bir sıra əlavə xidmətlər də daxildir ki, bu da qiymətlərə təsir edir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]