“Əmlakını qeydiyyata al və mülkiyyətinə sahib ol” sosial kampaniyası Güzdək qəsəbəsində keçirilir
11-03-2019, 10:52
Oxunub: 2 338
Əmlak Məsələləri Dövlət Komitəsi daşınmaz əmlakın qeydiyyatı xidmətlərinin birbaşa ünvanlarda göstərilməsi ilə bağlı sosial kampaniyaları davam etdirir
Səyyar xidmətlərdə əsas hədəf vətəndaşların rahat və əlçatan formada xidmətlərdən faydalanmasını təşkil etmək, eləcə də daşınmaz əmlakların leqallaşmasınıgenişləndirməkdir.
Xidmətləri birbaşa olaraq vətəndaşın yaşadığı kənd və qəsəbələrə aparan “Əmlakını qeydiyyata al və mülkiyyətinə sahib ol” kampaniyası 11-15 mart tarixlərində Güzdək qəsəbəsində keçiriləcək. Təşkil olunan kampaniyanın yaratdığı fürsətlərdən istifadə etmək istəyən qəsəbə sakinləri saat 09:00-dan 17:00-a qədər Abşeron rayonu, Güzdək qəsəbəsi, Həzi Cavadov küçəsindəki (Aşağı Güzdək İcra nümayəndəliyinin yanında) səyyar avtobusa yaxınlaşa bilər. Sakinlər yaşayış evləri, bağ evləri, həyətyanı torpaq sahələri və digər daşınmaz əmlakların qeydiyyatı xidmətləri ilə yanaşı, hüquqi yardım üçün də mobil ofislərə müraciət edə bilər.
Daşınmaz əmlakınsəyyar qeydiyyatı üzrə keçirilən bu kampaniya ilə vətəndaşlar məşğuliyyətdən uzaqlaşmadan, rahatlıqla xidmətlərdən istifadə edir. Xidmətlərin göstərildiyi avtobusun bütün lazımi avadanlıqlarla təmin olunması vaxta qənaətə və eyni anda bir neçə vətəndaşın xidmətdən istifadəsinə şərait yaradır. Tətbiq edilən müasir üsullar xidmətlərin daha operativ formada göstərilməsinə, vətəndaş məmnunluğunun təmin olunmasına yönəlib.Qeyd edək ki, cari il ərzində “Əmlakını qeydiyyata al və mülkiyyətinə sahib ol” kampaniyası Bakı, Sumqayıt və Abşeron üzrə müxtəlif kənd və qəsəbələrdə keçirilib. İctimai əhəmiyyətli kampaniyada vətəndaşlara qeydiyyat xidmətlərinin göstərilməsi ilə yanaşı, onlar tərəfindən ünvanlanan suallar qanunvericiliyə uyğun olaraq cavablandırılıb, həlli üçün hüquqi məsləhətlər verilib.
Çox Oxunanlar
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 17-04-2024, 10:13 : Hadı Rəcəblinin dəfn yeri açıqlandı
Gündəm
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər