Bizimlə əlaqə | Reklam
BolgeXeber.Com » İqtisadiyyat » “Atasığorta” ötən ili zərərlə başa vurub

“Atasığorta” ötən ili zərərlə başa vurub

19-03-2019, 11:26
Oxunub: 3 961 “Atasığorta” ötən ili zərərlə başa vurub“Atasığorta” ASC-nin cəmi aktivləri bu il yanvarın 1-nə 28,418 mln. manat təşkil edib.

“Report” şirkətin maliyyə hesabatına istinadən xəbər verir ki, bu, ötən il yanvarın 1-i ilə müqayisədə 4,3% azdır.

2018-ci ildə “Atasığorta”nın cəmi öhdəlikləri 46,5% artaraq 19,311 mln. manata çatıb, cəmi kapitalı isə 44,9% azalaraq 9,107 mln. manata düşüb, o cümlədən nizamnamə kapitalı isə 17,7% artaraq 14,6 mln. manat olub.

Ötən il “Atasığorta”nın gəlirləri 17,997 mln. manat (əvvəlki ilə nisbətən 4,6% çox), xərcləri 25,003 mln. manat (54,8% çox), mənfəət vergisi ödəmələri isə 70 min manat (30,4% az) təşkil edib. Son nəticədə şirkəti 2018-ci ili 7,077 mln. manat xalis zərərlə başa vurub. Halbuki, maliyyə qurumu 2017-ci ildən 956 min manat xalis mənfəətlə çıxmışdı.

Xatırladaq ki, “Atasığorta” 2004-cü ildən fəaliyyət göstərir, “AtaHolding” MMC-yə daxildir. Şirkətin səhmləri 100% adı çəkilən holdinqə məxsusdur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]