Banklar niyə dollar satmır? - AÇIQLAMA
18-01-2022, 14:40
Oxunub: 4 152
“Son 7 ildə ilk dəfə neftin qiyməti 87 dolları ötüb, lakin banklarımızdan dollar almaq xeyli çətinləşib, bəzi banklar ümumiyyətlə dollar satmır. Digər tərəfdən, banklarımız əhalidən dolları Mərkəzi Bankın məzənnəsi - 1,70 manat ilə alır. Banklar əhalidən rəsmi məzənnə ilə dollar alırsa, deməli, Mərkəzi Bankdan həmin məzənnə ilə istədikləri qədər dollar ala bilmirlər. Banklar hər alıcıya xeyli vaxt və işçi qüvvəsi sərf edərək kiçik məbləğlərdə dollar alacaq qədər axmaq deyil. Yəni, birdəfəlik həmin məzənnə ilə Mərkəzi Bankdan bir neçə milyon dollar ala bilərdilər. Deməli, ala bilmirlər və Mərkəzi Bank satışı məhdudlaşdırıb.Digər tərəfdən, bankların özü də dollar satışını məhdudlaşdırıb. Bu o deməkdir ki, əhalidən aldıqları dollar həcmi də onların tələbatını təmin etmir. Nəticədə, ajiotaj, panika artır və dollara tələb də yüksəlir”. DİA.AZ “ölkə.az”a istinadən xəbər verir ki, bunu iqtisadçı ekspert Əkrm Həsənov deyib. O bildirib ki, hazırda devalvasiyanın olacağı haqda söz-söhbətlər də artıb: “2015-ci ilin fevral və dekabr aylarında da devalvasiya öncəsi dollar tapmaq mümkün deyildi. Lakin devalvasiya böyük ehtimalla olmayacaq. Çünki 2015-ci ildən fərqli olaraq neftin qiyməti yüksəkdir. Digər makroiqtisadi faktorlar da devalvasiyanın olacağı ehtimalını azaldır. Həmçinin qiymət artımı fonunda hökumətin devalvasiyaya getmə ehtimalı azdır”.
Ekspertin sözlərinə görə, yeganə ehtimal kimlərinsə “qara bazar”ı aktivləşdirmək istəyi ola bilər: “Dollara çox ehtiyacı olanlar “qara bazar”a üz tutur və oradan bankların məzənnəsindən yüksək qiymətlə istədiyi qədər ABŞ dolları alır”.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
