Bizimlə əlaqə | Reklam
BolgeXeber.Com » Müsahibə-Reportaj » Lütfi Zadə Rafiq Əliyevlə bağlı ADNA-nın rektoruna məktub göndərdi

Lütfi Zadə Rafiq Əliyevlə bağlı ADNA-nın rektoruna məktub göndərdi

11-11-2011, 16:25
Oxunub: 7 407 “Mən öz mesajımı universitetin rektoruna yazılı şəkildə göndərmişəm”

Akademik Rafiq Əliyevin Azərbaycan Dövlət Neft Akademiyasının kafedra müdiri vəzifəsindən kənarlaşdırılmasına onun yaxın dostu və müəllimi olan Kaliforniyanın Berkli Universitetinin professoru, Azərbaycanın dünya şöhrətli alimi Lütfi Zadə münasibət bildirib. O, məsələ ilə bağlı açıqlamasında Azərbaycan Dövlət Neft Akademiyasının rektoruna məktub ünvanladığını söyləyib: “Mən bu barədə telefonla danışmaq istəmirəm. Mən öz mesajımı universitetin rektoruna yazılı şəkildə göndərmişəm”.

Vəzifədən azad olunması ilə bağlı verilən əmrə akademik Rafiq Əliyev özü münasibət bildirmək istəmədi və baş verənlərə ictimaiyyətin reaksiyasını gözlədiyini dedi.

“Hələlik bunlara heç bir fikir bildirmək istəmirəm”, – deyə alim bildirib.

Qeyd edək ki, Azərbaycan Dövlət Neft Akademiyasının “Avtomatlaşdırılmış idarəetmə sistemləri” kafedrasının müdiri olan Rafiq Əliyevə işdən azad olunması ilə bağlı əmr noyabrın 4-də təqdim olunub.

Xatırladaq ki, Rafiq Əliyev 70-ə yaxın kitabın, 350-dən çox elmi məqalənin müəllifidir. Onun bu yaxınlarda “Nobel” mükafatı alacağı da xəbərlər arasındadır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]