15 yaşlı gəlin: "Ərim fahişəlik etməyimi istəyirdi" - FOTO
5-01-2012, 11:25
Oxunub: 14 282
Əfqanıstanda 15 yaşlı gəlini vəhşicəsinə döyən, onu dözülməz işgəncələrə məruz qoyan və 5 ay ərzində zirzəmidə saxlayan ailənin üzvlərinin həbsləri davam edir.
Bu biçarənin atası, anası, qayınatası, qayınanası, iki baldızı həbs olunub. Aylarla döyülən, söyülən, bədənində siqaret yandırılan, vəhşicəsinə zorlanan 15 yaşlı biçarənin əri isə hələ də axtarışdadır.
Bolgexeber.com "Asia Times"a istinadən bildirir ki, gəlin köçdüyü evdə işgəncələrə məruz qalmış 15 yaşlı Səhar Gülün başına gətirilənlərin araşdırılması ilə bağlı Əfqanıstan prezidenti Həmid Kərzayın şəxsi göstərişindən sonra istintaq daha da sürətlənib.
Məlum olub ki, Səhar Gülün əri onu toy gecəsinin səhəri döyərək zirzəmiyə salıb, orada beş ay saxlayıb. Bu müddət ərzində Səharı qayınanası, qayınatası və baldızları amansızcasına döyüb, əri sürəkli zorlayıb.
15 yaşlı gəlinin belə vəhşiliklərə məruz qalması isə onun ərinin tələbini yerinə yetirməməsi olub.
"Ərim fahişəlik etməyimi istəyirdi. Mənsə dedim ki, ölərəm, amma bunu etmərəm. Bir dəfə zirzəmidən çıxıb qaça bildim və qonşunun evində gizləndim. Lakin qonşu məni ərimə verdi", - Səhar deyib.
"Qızın qohumları bizə müraciət edəndən sonra Səharı azad edə bildik. Bu, XXI əsrdə yolverilməz cinayətdir", - Əfqanıstan DİN-in mətbuat xidmətinin rəhbəri Siddiq Siddiqi deyib.
Əfqanıstan Səhiyyə Nazirliyi isə bəyan edib ki, Səharın başına gətirilənlər ölkə üçün tipik hadisə deyil: "Belə vəhşiliklə ilk dəfə qarşılaşırıq. Üstəlik, Səhar qadınların hüquqlarının fasiləsiz pozulduğu kənd yerində yox, Bağlan vilayətinin inzibati mərkəzi olan Puli Humridə yaşayırdı".
Səhar hazırda Kabilin Mərkəzi Hospitalındadır. "Bu biçarənin vücudundakı fiziki yaralar gün keçdikcə sağalır. O, zəruri müalicə alır. Lakin Səharın psixikasına vurulmuş ağır zərbələri kim və necə sağaltsın?!" - Əfqanıstanın səhiyyə nazirinin müşaviri Abdulla Fəhim deyib.
Onun sözlərinə görə, ən yaxın vaxtlarda Səhar daha dolğun və tam müalicə almaq üçün Hindistana göndəriləcək.
Fəhim onu da deyib ki, Səhar Gülün məruz qaldığı işgəncələr tükürpədicdir. Onun əri və yeni "ailəsi" qızı sürəkli döymək, zorlamaq və ac saxlamaqla yanaşı, kəlbətinlə onun bədənindən ət tikələri qoparıblar.
Səharın atası Məhəmməd Əman isə qızını 200 dollara satmaqda suçlanaraq tutulub.
Dünən isə bəlli olub ki, Səhar aylarla zirzəmidə saxlanandan sonra üç həftə ayaqyolunda "yaşamağa" məcbur qalıb.
Bu zaman da onu döyüblər, saçlarını yolaraq yandırıblar, sonra isə əllərindəki bütün dırnaqları dartıb çıxarıblar.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər