BolgeXeber.Com » Müsahibə-Reportaj » “Bu, hələ başlanğıcdır”

“Bu, hələ başlanğıcdır”

24-04-2012, 12:25

Oxunub: 4 760

Əli Əhmədov: “Digər ölkələrdə də Xocalı faciəsi ilə bağlı qətnamələrin qəbul olunacağına inanıram”

“Kolumbiya Senatının Xocalı soyqırımını tanımasını müsbət qiymətləndiririk. İstənilən haqsızlığa qarşı bəşəriyyət, ayrı-ayrı xalqlar öz haqq səslərini ucaltmalıdırlar. Məmnunluqla qeyd edim ki, artıq Xocalı soyqırımı ilə əlaqədar dünyanın bir çox ölkələrində müvafiq sənədlər qəbul olunur”.

Bolgexeber.com-un xəbərinə görə, bu sözləri jurnalistlərə açıqlamasında Yeni Azərbaycan Partiyasının (YAP) sədr müavini, icra katibi Əli Əhmədov deyib.

Ə. Əhmədovun fikrincə, bu, hələ başlanğıcdır: “Digər ölkələrdə də belə qətnamələrin qəbul olunacağına inanıram. Amma eyni zamanda Azərbaycan cəmiyyəti və bütövlükdə xarici ölkələrdə fəaliyyət göstərən diaspor təşkilatları da bu istiqamətdə səylərini artırmalıdır. Əgər yalan və böhtan üzərində qurulan hər hansı ideologiya yüz il ərzində yaşayıbsa və onu yaşada biliblərsə, o zaman yolverilməz hal olardı ki, həqiqətən baş vermiş faciə dünya ictimaiyyəti tərəfindən əsl faciə kimi qəbul olunmasın. Artıq bəşəriyyət bu reallığı dərk edir və bunun əyani sübutu Kolumbiya Senatının qəbul etdiyi qərardır”.

Çox Oxunanlar