BolgeXeber.Com » Müsahibə-Reportaj » Biləcəridə "Tumurcuq" kimi pul yığımı

Biləcəridə "Tumurcuq" kimi pul yığımı

17-10-2012, 00:15

Oxunub: 4 856

297 saylı orta məktəbin direktoru deyir ki, qəzet satışı barədə tapşırığı Misir Mərdanov verib

Bakının bəzi orta məktəblərində şagirdlərə məcburi qaydada qəzet satılır. Bu barədə Bolgexeber.com-a valideynlər məlumat veriblə.

Onlar bildiriblər ki, məktəb direktorlarının tapşırığı əsasında həyata keçirilən satış prosesinə görə, hər şagirddən 50 qəpik tələb olunur. Ən acınacaqlı hal isə Biləcəri qəsəbəsində yerləşən 297 saylı orta məktəbdədir.

Valideynlər Bolgexeber.com-a bildiriblər ki, bu məktəbdə şagirdlərə satılan "Tumurcuq" qəzeti üçün yığılan pul daha aqressiv formada həyata keçirilir. Belə ki, məktəb direktoru qəzeti almayanları məktəbdən çıxaracağı və ya aşağı qiymət yazacağı ilə hədələyir. "Tumurcuq"un "alıcıları" aşağı sinif şagirdləri olduğundan onlara edilən hədələrdən bərk qorxuya düşürlər.

Valideynlər deyirlər ki, balacaların şüuruna pis təsir göstərən və onların həyacanlanmasına səbəb olan bu cür hədələri yığışdırmaq lazımdır. Onlar deyirlər ki, 297 saylı məktəbin direktoru iddia edir ki, "Tumurcuq"un satışı barədə göstərişi birbaşa Misir Mərdanov verib.

Çox Oxunanlar