BolgeXeber.Com » Müsahibə-Reportaj » Bakının mərkəzində otel plana düşdü

Bakının mərkəzində otel plana düşdü

30-10-2012, 14:15

Oxunub: 4 835

Paytaxtın mərkəzində, Səməd Vurğun bağı ilə üzbəüzdə yerləşən 12 mərtəbəli “Bakı” oteli sökülür. Onun yerində müasir tələblərə cavab verəcək yeni otel tikiləcək.

Yeni bina tikilməsi barədə qərar 6 il əvvəl qəbul edilib, amma maliyyə problemləri üzündən həyata keçirilməyib, deyə “Mehmanxana Bakı” ASC-nin İH sədri Xanlar Abbasov Turan-a bildirib. Onun sözlərinə görə, layihə üçün investisiya cəlb edilərkən minoritar səhmdarların (168 fiziki şəxs) hüquqları pozulmayacaq. Müşahidə Şurasında təmsil olunan majoritar səhmdarlar səhmlərini satmaq istəyənlərdən onları müqavilə qiyməti ilə almaq niyyətindədirlər. Qalan səhmdarlar təsərrüfat fəaliyyətindən dividend əldə edəcəklər.

“Mehmanxana Bakı” 1998-ci ildə çek hərracı ilə özəlləşdirilib. Dövriyyədə nominalı 2 manat olan 800 min səhm var.

Əvvəlki illərdə Bakıda söəhmləşdirmə metodu ilə “Moskva”, “Azərbaycan”, “Cənub”, “Köhnə inturist”, “Şərq” və s. otellər özəlləşdirilib. İlk iki otelin yerində “Baku Fires” və “Hilton Hotel Baku” otel və biznes mərkəzləri tikilib

Çox Oxunanlar