BolgeXeber.Com » Müsahibə-Reportaj » Elşad Abdullayevin binasi talan olunub

Elşad Abdullayevin binasi talan olunub

1-11-2012, 18:05

Oxunub: 4 235

Rektoru mühacirətdə olan Azərbaycan Beynəlxalq Universiteti hələ də fəaliyyətdədir.

Təhsil müəssisəsinin binası açıqdır və indiyə qədər diplomunu ala bilməyən məzunların gedişi – gəlişi davam edir. Sənədləşmə işlərində problemi olan məzunlar həftənin tək günləri qəbul şöbəsinə müraciət edirlər. Daşı daş üstünə qoyulmayan ABU-da hazırda yalnız texniki işçilər qalıb.

Gunxeber.com-un əməkdaşı ABU-nin binasında olub və öyrənib ki, sabah qəbul günüdür. ABU-da qalan tək-tük texniki işçilərin əmək haqqını isə Təhsil Nazirliyi verir. Eyni zamanda universitetin binasını mühafizə edənlər də var. Onlar içəriyə hər adamı buraxmırlar. Universitetin yerləşdiyi küçənin adı da dəyişdirilib. Əvvəllər Xarici dairəvi küçəsi adlana bu massiv indi qazax xalq yazıçısı Abay İbrahim Kunanbayulinin adını daşıyır. Universitetin mühafizəçilərindən biri söylədi ki, ali məktəbin həyətinin bir hissəsi çoxdan alınıb və ərazidə metro deposu inşa olunur.

Universitetin binasına həbs qoyulması xəbərini təkzib edən mühafizəçinin sözlərinə görə, bina satışa çıxarılıb. Universitetin içində isə heç bir avadanlıq qalmayıb. Bütün əmlak müsadirə olunub və ABU boşaldılıb. Yalnız məzunların sənədləri qalıb. Binaya isə ürək edib yaxınlaşan olmayıb. Yəni, ABU-nin binasını almaq istəyən yoxdur.

Çox Oxunanlar