Bizimlə əlaqə | Reklam
BolgeXeber.Com » Müsahibə-Reportaj » YAP-çı deputat Kəbirə Məmmədovanı günahlandırdı

YAP-çı deputat Kəbirə Məmmədovanı günahlandırdı

23-01-2013, 09:50
Oxunub: 6 388 “Binə” ticarət mərkəzinin sahibi Kəbirə Məmmədovanın adıçəkilən ticarət mərkəzində çalışan icarədarlara qarşı qanunsuzluqlarına etiraz edən deputatların sayı artır.

Moderator.az-ın xəbərinə görə, millət vəkilləri Fazil Mustafa və Azay Quliyevin ardından daha bir deputat - Aydın Mirzəzadə də Kəbirə Məmmədovaya etiraz edib. YAP-çı deputat özünün Facebook səhifəsində bununla bağlı status yazıb: "Bu, siyasi aksiya deyil, əmək münaqişəsidir və çox ciddi münaqişədir. Xırda sahibkar cəmiyyətin əsasını təşkil edir. Təəssüf edirəm ki, "Binə" Ticarət Mərkəzinin sahibkarı icarədarlarla dil tapa bilməyib”.

Deputat statusunda daha sonra bunları qeyd edib: “Bu baxımdan, hesab edirəm ki, əmək münaqişəsinin səbəbkarı ticarət mərkəzinin rəhbərliyidir. Məsələni bu həddə çatdırmamalıydı. Bu hadisə ictimaiyyətin diqqətindən kənarda qala bilməz. Müəyyən müxalif qüvvələr, xüsusilə də radikal müxalifət istənilən məsələni siyasiləşdirməyə çalışır. Onlar istənilən məsələ ilə bağlı narazılığı hakimiyyətə qarşı çevirməyə, öz məqsədləri üçün istifadə etməyə çalışırlar. Amma bu, onlarda alınmır”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]