Bizimlə əlaqə | Reklam
BolgeXeber.Com » Müsahibə-Reportaj » Azərbaycanda kişilər qadınların sözüylə oturub, durur – Millət vəkilindən ilginc açıqlama

Azərbaycanda kişilər qadınların sözüylə oturub, durur – Millət vəkilindən ilginc açıqlama

23-09-2019, 14:21
Oxunub: 7 417 Azərbaycanda kişilər qadınların sözüylə oturub, durur – Millət vəkilindən ilginc açıqlama“Toylarda mövcud israfçılığın aradan qaldırılması mənasız yaşam tərzimizə məna gətirə bilər. Ona görə də toy məclislərinin dəbdəbəli olması kimi vəhşi adətləri, yanlışlıqları davam etdirməliyik”.

Sfera.az-a açıqlamasında bu sözləri Özbəkistanda ifrat toy məclislərinin keçirilməsinə qarşı dövlət səviyyəsində aparılan mübarizə və bununla bağlı qoyulan qadağalar fonunda Azərbaycanda da anoloji addımların tətbiqinin mümkünlüyünə toxunarkən, məsələyə ironik şəkildə yanaşan deputat Fazil Mustafa deyib:



“Düşünürəm ki, Özbəkistanda toy məclisləri ilə bağlı tətbiq olunacaq yeni qaydaların ölkəmizdə reallaşması zərərlidir. Biz vəhşi toy adətlərini davam etdirməliyik. Bütün məsrəfləri bu işə yönəltməliyik. Elə etməliyik ki, toy məclislərinin dəbədəbəli olması ömrünü hələ uzatsın. Əksinə, yas məclislərinə də çal-çağır və s. bu kimi dəbdəbəni tətbiq etməliyik ki, bunlar Azərbaycana məxsus bir adət-ənənə olsun”.



Deputat bildirib ki, toy və yas mərasimlərindəki dəbdəbənin aradan qaldırılmasına mərasim mafiyası maneə olur: “Hətta israfçılığın aradan qaldırılması ilə bağlı məsələ qaldırsan da, toy və yas mafiyası onun reallaşmasına əngəl olur. Amma əhalinin özü də məsələyə sağlam yanaşmır. Əhalinin böyük əksəriyyəti belə dəbdəbənin tərəfdarıdır. Dəbdəbəli toy adətlərimizin dəyişməsinə daha çox qadınlarımız müqavimət göstərir. Kişilər də onların sözü ilə oturub durur ki, bu da prosesi tormozlayır. Odur ki, ailələr də normal qurulmur, borca, xərcə düşürlər. Nəticədə proses elə bu minvalla da davam edir”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]