Baş infeksionist: "Otaqları tez-tez havalandırmaq lazımdır"
18-11-2020, 12:50
Oxunub: 6 492
"Hələ yay aylarında üzü payıza və qışa doğru yeni koronavirus infeksiyasına yoluxma hallarının artacağı proqnozlaşdırılmışdı. Hazırda havaların soyuq keçməsi ilə əlaqədar insanlar daha çox qapalı məkanlarda olurlar, təmaslar artır, digər tərəfdən isə otaqların pəncərələri artıq bağlı saxlanılır və havanın dəyişdirilməsi daha az hallarda həyata keçirilir".Bunu “Report”a açıqlamasında Səhiyyə Nazirliyinin baş infeksionist Təyyar Eyvazov deyib.
Onun sözlərinə görə, virusun yayılması soyuq temperaturda və rütubətin az olduğu məkanlarda daha sürətli olur:
“Qapalı məkanlarda rütubət daha azdır və bu məkanlarda virus təkcə asqıraq və öskürək zamanı deyil, həmçinin danışıq, hətta nəfəs vermə zamanı daha kiçik zərrəciklərin daxilində ətrafa yayılır. Hətta bu yüngül zərrəciklərin daha uzaq məsafələrə yayılması mümkündür. Bu dövrdə immunitetin də zəifləməsi yoluxmaların artmasına gətirib çıxarır”.
Baş infeksionits yoluxmaların sayının azaldılması üçün otaqların tez-tez havalandırmaq lazım olduğunu bildirib:
“Otaqda eyni vaxtda olan insanların sayını azaltmaq, məsafənin gözlənilməsi ilə bərabər maskadan istifadəyə ciddi və düzgün əməl etmək lazımdır. İstənilən karantin tədbiri o vaxt effektiv olur ki, hamılıqla və düzgün icra olunsun. Sağlam qidalanmaq, fiziki aktiv olmaq lazımdır”.
“Qeyd etdiyimiz kimi payız-qış aylarında kəskin respirator virus infeksiyaları və o cümlədən qriplə xəstələnmə halları artır. Bu infeksiyaların əlamətləri bir-birinə xüsusən xəstəliyin başlanğıcında olduqca oxşardır və onların fərqləndirilməsi yalnız həkim-mütəxəssis tərəfindən mümkündür", - T.Eyvazov vurğulayıb.
Baş infeksionist özündə hərarət, ümumi zəiflik, əzginlik, boğaz ağrısı, öskürək və s. kimi əlamətlər hiss edən şəxslərə telefon vasitəsilə ərazi poliklinikasına vaxtında müraciət etməsini tövsiyə edib: "Özünü müalicə ilə məşğul olmaq düzgün deyil. Onu da qeyd etmək istərdim ki, hazırda qripə qarşı aparılmış vaksinasiya da ümumi epidemik durumun yaxşılaşmasına öz töhfəsini verəcək”.
Çox Oxunanlar
- 31-05-2025, 17:55 : Braziliyalı futbolçu yeni kluba keçir
İdman / Xəbərlər - 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 30-05-2025, 16:45 : DİQQƏT- Bu cərimələr artırıldı
Sosial / Xəbərlər - 28-05-2025, 20:14 : Tramp İlham Əliyevi təbrik etdi
Siyasət / Xəbərlər - 26-05-2025, 16:17 : Məşhur müğənni vəfat etdi
Şou-Biznes - 31-05-2025, 11:51 : Məşhur müğənni qəzaya düşüb
Şou-Biznes / Xəbərlər - 29-05-2025, 11:44 : Zeynəb Xanlarova adından dələduzluq edildi
Şou-Biznes / Xəbərlər - 27-05-2025, 13:14 : 28 May - Azərbaycan Xalqının Müstəqillik Arzusunun Tarixi Simvolu
Analitika / Xəbərlər - 27-05-2025, 13:41 : "Yeşilçam"ın aktrisası vəfat etdi
Şou-Biznes / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
