BolgeXeber.Com » Müsahibə-Reportaj » Hindistan ştammı gəlir: - “Karantin sərtləşdirilməlidir”

Hindistan ştammı gəlir: - “Karantin sərtləşdirilməlidir”

3-05-2021, 18:31

Oxunub: 544

Bu gündən Gürcüstanda ictimai nəqliyyatın fəaliyyəti dayandırılır. Bu barədə Gürcüstan Nazirlər Kabinetinin mətbuat xidməti məlumat verib. Qərar ölkədə koronavirusla bağlı vəziyyətin pisləşməsi ilə əlaqədər qəbul edilib. “Yeni qaydalar mayın 3-dən 12-nədək çəkəcək. Qadağa taksilərə və şəhərlərarası nəqliyyata təsir etməyəcək”, - deyə kabinetdən bildirilib.

Mart ayından Gürcüstanda koronavirusa yoluxma artır. Aprelin ortalarından ölkədə koronavirusun 3-cü dalğası xəbərdarlığı edilib. Təəssüf ki, qardaş Türkiyədə də COVİD-19-a bağlı vəziyyət ürəkaçan deyil. Artıq Türkiyədə də tam qapanma başlayıb. Azərbaycanda yoluxma tədricən azalsa da, bayram günlərində vəziyyətin necə dəyişəcəyi çoxlarını düşündürür.

Həkim, professor Adil Qeybulla düşünür ki, bir az da səbrli olmalıyıq. O, fikirlərini “Sherg.az”la bölüşdü:

“Dünyada koronavirusun dördüncü dalğası yayılır, Hindistan ştammı meydana çıxıb. Rəsmi rəqəmlərin azalmasına “bel bağlamaq” olmaz. Evdə müalicə olunanların sayı heç də az deyil. Yəni aktiv xəstə sayı kifayət qədər çoxdur.

Başa düşürəm, insanlar beziblər. Lakin yumşalmalar sonradan ciddi fəsadlara səbəb olur, baha başa gəlir.
Odur ki, mümkün olduğu qədər karantin qaydalarını sərtləşdirmək lazımdır”. Bu, vətəndaşların sağlamlığı üçündür”.

Çox Oxunanlar