Bizimlə əlaqə | Reklam
BolgeXeber.Com » Müsahibə-Reportaj » Vətəndaşlardan COVİD pasportu tələbi yalnız qapalı restoran və kafelərə aiddir, açıq məkanlara giriş sərbəstdir

Vətəndaşlardan COVİD pasportu tələbi yalnız qapalı restoran və kafelərə aiddir, açıq məkanlara giriş sərbəstdir

1-09-2021, 15:13
Oxunub: 6 424 “Bu gündən etibarən restoranlara ancaq koronavirusa qarşı hər iki doza peyvənd olunan şəxslər buraxılır”.

Bunu açıqlamasında DİN Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev deyib.

E. Hacıyev bildirib ki, COVİD pasportu olan yaşı 18-dən yuxarı şəxslər həmin obyektlərə daxil olarkən müvafiq qaydada yoxlanılacaq: “DİN, AQTA, Dövlət Vergi Xidməti və Rayon İcra hakimiyyəti orqanlarının nümayəndələrinin birgə monitorinq qrupları tərəfindən vaxtaşırı müvafiq yoxlamalar aparılacaq. Restoranlara COVİD pasportu olmadan daxil olanlar aşkar edilərsə, , ciddi şəkildə intizam tədbirləri tətbiq olunacaq”.

E. Hacıyev onu da əlavə edib ki, Nazirlər Kabinetinin bu qərarı açıq havada fəaliyyət göstərən kafe və restoranlara aid deyil: “COVID-19 pasportu tələbi rəsmi qərara əsasən, yalnız qapalı məkanlara aiddir”.

Qeyd edək ki, Nazirlər Kabinetinin 26 iyul tarixli qərarına əsasən, bu gündən ictimai iaşə müəssisələrində, mehmanxanalarda və iri ticarət mərkəzlərində göstərilən xidmətlərdən yaşı 18-dən yuxarı olan şəxslər yalnız COVID-19 pasportu olduğu halda istifadə edə biləcəklər. İctimai iaşə obyektlərinə restoran və kafelər də aid edilir.

Qaydaların pozulmasına görə isə vətəndaşlar deyil, restoran, kafe və digər iaşə obyektlərinin sahibləri məsuliyyət daşıyırlar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]