Bizimlə əlaqə | Reklam
BolgeXeber.Com » Media » KİV Fonduna ayrılan maliyyə vəsaiti artırıldı

KİV Fonduna ayrılan maliyyə vəsaiti artırıldı

16-11-2011, 09:25
Oxunub: 5 529 2012-cu il üçün “Dövlət büdcəsi haqqında” qanun layihəsində Kütləvi İnformasiya Vasitələrinin inkişafının dövlət tərəfindən dəstəklənməsi məqsədilə ayrılacaq maliyyə vasaitinin məbləğini dəqiqləşdirə bilib.

Məlum olub ki, gələn il KİV-in İnkişafına Dövlət Dəstəyi Fonduna bu illə müqayisədə xeyli çox vəsait ayrılması nəzərdə tutulub.

Milli Məclisin Mədəniyyət komitəsindən saytımıza verilən məlumata görə, 2012-cu ilin büdcə zərfində Kütləvi İnformasiya Vasitələrinin inkişafını dəstəkləmək, onların maddi-texniki bazasını möhkəmləndirmək, jurnalistlərin peşəkarlığının artırılmasına şərait yaratmaq məqsədilə Prezident yanında KİV-in İnkişafına Dövlət Dəstəyi Fonduna 3 milyon 870 min 608 manat vəsait ayrılması nəzərdə tutulub.

Müqayisə üçün bildirək ki, 2011-ci ildə KİV-in İnkişafına Dövlət Dəstəyi Fonduna büdcədən 2 milyon 400 min manat vəsait ayrılmışdı. Bu isə onu göstərir ki, 2012-ci ildə dövlət büdcəsindən KİV Fonduna builkindən təxminən 1,4 milyon manat artıq maliyyə vəsaiti veriləcək.

Xatırladaq ki, 2010-cu ildə KİV-in İnkişafına Dövlət Dəstəyi Fonduna büdcədən 2 milyon manat vəsait ayrılıb. 2009-cu ildə Fonda 1 milyon 300 min manat vəsait ayrılmışdı.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]