BolgeXeber.Com » Media » Jurnalistlər nəqliyyatdan pulsuz istifadə edəcək?

Jurnalistlər nəqliyyatdan pulsuz istifadə edəcək?

30-11-2011, 13:50

Oxunub: 3 925

Mətbuat Şurası bununla bağlı müvafiq qurumlara müraciətlər edib

“Jurnalistlərin nəqliyyat vasitələrindən pulsuz istifadə etmələrini gündəmə gətirmək lazımdır”. Bolgexeber.com bildirir ki, bunu jurnalistlərə açıqlanmasında Mətbuat Şurasının sədri Əflatun Amaşov bildirib.

Şura sədri deyib ki, bir vaxtlar təkcə jurnalistlər üçün deyil, müəyyən qrup insanlar üçün nəqliyyat vasitələrindən istifadə pulsuz idi: “Həmin qrup insanlardan, o cümlədən jurnalistlərdən bu güzəştlər geri alındı. Amma bu məsələni gündəmə gətirmək lazımdır”.

Ə.Amaşov bildirib ki, bununla bağlı müxtəlif kütləvi informasiya vasitələri də lazımi qurumlarla əlaqə saxlayaraq, bununla bağlı müəyyən razılıq əldə etməlidirlər: “Ancaq bu məsələ mütəmadi olaraq, şuranın gündəmindədir. Bununla bağlı müvafiq qurumlara müraciətlər etmişik”.

Çox Oxunanlar