BolgeXeber.Com » Media » “Qorotdel” rəhbərliyi informasiya agentliyini məhkəməyə verdi

“Qorotdel” rəhbərliyi informasiya agentliyini məhkəməyə verdi

6-04-2012, 12:25

Oxunub: 3 902

Rüşvət məsələsi DIN-i qarişdirib

Bakı Şəhər Baş Polis İdarəsi informasiya agentliyinin direktorunu məhkəməyə verməyə hazırlaşır. Bu barədə APA-ya Bakı şəhər Baş Polis İdarəsinin mətbuat xidmətindən məlumat verilib.

Məlumatda bildirilir ki, martın 31-də Bakı İnformasiya Agentliyinin saytında (bia.az) vətəndaş Mahmud Tağıyevin adından daxili işlər naziri, general-polkovnik Ramil Usubova açıq məktub ünvanlanıb. Məktubda 2002-ci ildə Bakı Şəhər Baş Polis İdarəsinin Kadrlar İdarəsinin şöbə rəisinin guya həmin vətəndaşı Abşeron Rayon Polis Şöbəsinə sahə inspektoru vəzifəsinə təyin etdirmək üçün külli miqdarda rüşvət alması göstərilib.

“Qeyd etməyi lazım bilirik ki, bu məsələ Bakı Şəhər Baş Polis İdarəsində araşdırılıb, təsdiqini tapmayıb, böhtan olduğu məlum olub. Odur ki, Baş İdarə böhtan xarakterli məktubun müəllifi Mahmud Tağıyevi və böhtanı mətbuatda yayımlayan Bakı İnformasiya Agentliyinin direktoru Sudef Məcidovu məhkəməyə verməyə hazırlaşır”.

Çox Oxunanlar