Bizimlə əlaqə | Reklam
BolgeXeber.Com » Media » Rafiq Tağının ailə üzvləri Baş Prokurorluqda olublar

Rafiq Tağının ailə üzvləri Baş Prokurorluqda olublar

9-04-2012, 20:30
Oxunub: 5 125 Bir müddət əvvəl qətlə yetirilmiş yazıçı-publisist Rafiq Tağının ailə üzvləri Baş Prokurorluqda görüş keçiriblər.

Bu barədə APA-ya yazıçının qardaşı İlqar Tağıyev məlumat verib. İ. Tağıyev bacısı Yeganə Tağıyeva və Rafiq Tağının həyat yoldaşının Baş Prokurorluğun Ağır Cinayətlərə Dair İşlər üzrə İstintaq İdarəsinin böyük müstəntiqi Nadir Mirzəyevlə görüşdüklərini deyib: “Görüş zamanı Nadir Mirzəyev bildirib ki, cinayət işi üzrə istintaq hərəkətləri davam etdirilir. Bütün tədbirlər görülür. Lakin hər hansı yenilik yoxdur”.

İ. Tağıyev istintaqın gedişindən narazı olduqlarını və yaxın günlərdə növbəti dəfə prezident İlham Əliyevə müraciət edəcəklərini söyləyib: “Biz həkimlərin səhlənkarlığından narazıyıq. Hesab edirik ki, həkimlər Rafiq Tağıya səhlənkar yanaşıblar. Həmçinin istintaqın daha ətraflı aparılması barədə Rafiq Tağının ailəsi adından növbəti dəfə prezidentə müraciət edəcəyik”.

Xatırladaq ki, Rafiq Tağı 2011-ci il noyabrın 19-da Bakıda, yaşadığı evin yaxınlığında bıçaqlanıb, noyabrın 23-də müalicə olunduğu Klinik Tibbi Mərkəzdə vəfat edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]