BolgeXeber.Com » Media » Sulutəpədə çəkiliş aparan jurnalist döyülüb

Sulutəpədə çəkiliş aparan jurnalist döyülüb

18-04-2012, 13:30

Oxunub: 4 188

Sulutəpədə çəkiliş aparan jurnalist döyülüb

Sulutəpədə 4-cü mədən deyilən ərazidə Dövlət Neft Şirkərinin əməkdaşları və polislər hadisə yerində çəkiliş aparan jurnalistlərə qarşı zorakılıq edib.

"Yeni Müsavat" qəzetinin əməkdaşı Günay Musayeva AzadlıqRadiosuna bildirib ki, RATİ-nin əməkdaşı İdrak Abbasov ciddi xəsarətlər alıb: "Məni də yumruqla vurdular, amma İdrakı daha pis vurublar. İndi onu təcili yardım maşını ilə xəstəxanaya aparırıq".

Günay Musayeva deyir ki, evlərin sökülməsinə etiraz edən sakinlərə qarşı da zorakılıq baş verib.

Sakinlərlər ARDNŞ mühafizəçiləri arasında qarşıdurma

Aprelin 18-də bir qrup polis əməkdaşı və Dövlət Neft Şirkətinin mühafizəçiləri Bakının Sulutəpə qəsəbəsinə girişi kəsiblər. Əməkdaşımızın verdiyi məlumata görə, Sulutəpə qəsəbəsində ARDNŞ-nin öz ərazisi saydığı hissədə olan evləri sökdüyü üçün sakinlərlə neft şirkətinin əməkdaşları arasında qarşıdurma olub.

Əməkdaşımız bildirir ki, ARDNŞ-in mühafizəçiləri jurnalistlərin olduğu taksiyə hücum ediblər və avtomobilin şüşələrini sındırıblar. Onlar jurnalistlərin hadisə yerinə getməsinə şərait yaratmayıblar.

Çox Oxunanlar