BolgeXeber.Com » Media » Tağı İbrahimov ATV-dən çıxarıldı

Tağı İbrahimov ATV-dən çıxarıldı

14-05-2012, 16:20

Oxunub: 3 989

ATV kanalında ciddi dəyişiklik baş verib. Telekanalın rəhbəri Tağı İbrahimov vəzifəsindən uzaqlaşdırılıb.

Bolgexeber.com xəbər verir ki, ATV-yə yeni rəhbər Vüqar Qaradağlı təyin olunub. V. Qaradağlı media sahəsində mühüm işlərdə çalışıb. O, 1999-cu il mayın 5-dən işıq üzü görən «Bizim əsr» və elə həmin il iyunun 4-dən nəşrə başlayan «Naş vek» qəzetlərinin baş redaktoru olub. 1999-cu ildən efirə çıxan «Radio Lider»in və 2000-ci il sentyabrın 1-dən fəaliyyətə başlayan «Lider» televiziyasının daxil olduqları «Media-Holdinq»in baş direktoru işləyib (2006-ci il sentyabrın 1-dək) Vüqar Qaradağlı “Mərkəz” qəzetinin baş redaktoru olub.

ATV-dəki mənbələrdən isə Lent.az-a bildirilib ki, bu dəqiqələrdə rəhbərlikdəki dəyişikliklə bağlı şirkətdə iclas keçirilib və Tağı İbrahimov kollektivlə xudahafizləşib.

Şirkətin vitse-prezidenti, Tağı İbrahimovun qardaşı Natiq İbrahimov isə Lent.az-ın sualına bir cümlə ilə cavab verib: "Bilmirəm kim gəlir, amma biz getdik..."

Çox Oxunanlar