BolgeXeber.Com » Media » Yeni televiziyanın rəsmi açılışı oldu

Yeni televiziyanın rəsmi açılışı oldu

14-05-2012, 16:25

Oxunub: 3 537

Bir neçə gün əvvəl Azərbaycanda yeni televiziyanın, “MuzTV” telekanalının rəsmi açılışı olub.

Bu barədə telekanalın direktoru, “Araz FM” radiosunun sabiq baş redaktoru Vüsalə Kərimova məlumat verib. Onun sözlərinə görə, yerli klublardan birində təşkil edilən açılış mərasimi üç saat ərzində canlı yayımlanıb.

V. Kərimova deyib ki, 24 saat fəaliyyət göstərən yeni telekanal həm internet, həm də peyk vasitəsilə yayımlanır. Kanalın direktoru telekanalda hər gün Azərbaycanın hit kliplərinin, klassik əsərlərin, reportajların, sənətçilərə, müğənnilərə həsr olunan verilişlərin nümayiş olunduğunu deyib.

Hazırda verilişlərin aparıcısız təqdim olunduğunu bildirən kanal direktoru gələn həftədən etibarən aparıcıların da efirdə görünəcəyini qeyd edib: “Aparıcılar arasında tanınmış simalar yoxdur. Əsasən, yeni kadrlardan ibarət olacaq yaradıcı heyət efir üzü görməyən şəxslərdir. Müəyyən məşqlər gedir. Gələn həftədən etibarən efirdə görünəcəklər”.

Kanalın əsas aparıcı xəttinin musiqinin təbliğatı olacağını deyən Vüsalə Kərimova burada ancaq şou verilişləri, konsertlərin, müğənnilərin solo konsertlərinin yayımlanacağını qeyd edib.

Hazırda “Muz TV”-yə connekt.tv-nin və Ailə.tv-nin imkanlarından yararlanaraq baxmaq mümkündür.

Çox Oxunanlar