Bizimlə əlaqə | Reklam
BolgeXeber.Com » Media » ANS-in Baş direktoru dəyişdi

ANS-in Baş direktoru dəyişdi

6-06-2012, 12:05
Oxunub: 7 046 ANS Müstəqil Yayım və Media Şirkətində (ANS TV) kadr dəyişikliyi olub.

Şirkətin baş direktoru Sevda Həsənova (Böyük Seva) vəzifəsindən gedib. O, ANS Press-ə rəhbər vəzifəyə təyin olunub. Bu barədə məlumatı ANS-in İctimai əlaqələr üzrə müşaviri Mais Məmmədov da təsdiqləyib. M. Məmmədov deyib ki, S. Həsənova öz istəyilə əvvəlki vəzifəsindən istefa verib: “Çox ağır iş idi. Bütün maliyyə, texniki məsələlər ona baxırdı. Yorulmuşdu artıq. Yenidən jurnalistika ilə, yazı-pozu ilə məşğul olmaq istəyirdi. Ona görə də, onu “ANS Press”ə rəhbər təyin etdik. Həm də ANS Press Nəşriyyat evinin buraxdığı bütün jurnalların nəşri də Sevdanın nəzarətində olacaq”.

Qeyd edək ki, S. Həsənovanın yerinə ingiltərəli Ann Tomson gətirilib. M. Məmmədovun sözlərinə görə, yeni təyin olunan xarici mütəxəssis vəzifəsinin icrasına başlayıb. Ümid edirik, belə çətin işin öhdəsindən gələcək və vəzifəsini davam etdirəcək.

Xatırladaq ki, Sevda Həsənova 2007-ci ildə “anspress.com” internet portalında Azərbaycan bölməsinin redaktoru olub. 2007-2009-cu illərdə ““ANS-Press” Nəşriyyat Evi” MMC-nin prezidenti olub. 2009-cu ilin oktyabr ayından “ANS-ÇM” Yayım və Media Şirkətinin Baş Direktoru kimi fəaliyyət göstərib. “ANS Şirkətlər Qrupu” MMC-nin Direktorlar Şurasının üzvüdür.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]