Bizimlə əlaqə | Reklam
BolgeXeber.Com » Media » Ermənistan ordusunun rəhbərliyində Azərbaycanda doğlumuş ermənilər var

Ermənistan ordusunun rəhbərliyində Azərbaycanda doğlumuş ermənilər var

11-08-2012, 00:40
Oxunub: 4 437 Ermənistan Silahlı Qüvvələrinin rəhbərliyində təmsil olunan yüksək vəzifəli və rütbəli şəxslərdən 6 nəfəri Azərbaycanda yaşamış ermənidir.

Bu barədə Lent.az Ermənistan Müdafiə Nazirliyinin saytına istinadən məlumat verib.Ermənistanın müdafiə naziri Seyran Ohanyan 1962-ci ildə Azərbaycanın Şuşa şəhərində anadan olub. Onun bir müavini və Müdafiə Nazirliyinin aparat rəhbəri də Azərbaycanda doğlumuş ermənidir. Belə ki, S. Ohanyanın müavini Alik Mirzəbekyan 1959-cu ildə Xocavənd, Aparat rəhbəri Qarnik Ayrapetyan isə 1970-ci ildə Xankəndidə doğulub.

Ermənistan Silahlı Qüvvələrinin Baş Qərargah rəisinin müavinlərindən də ikisi Azərbaycanda doğulmuş ermənilərdəndir. Baş Qərargah rəisinin müavini, general-leytenant Aykaz Baqmanyan 1963-cü ildə Azərbaycanın keçmiş Xanlar (Göygöl) rayonunda, general-leytenant Valeri Qriqoryan isə 1952-ci ildə Xankəndidə doğulub. Maraqlıdır ki, V. Qriqoryanın atasının adı Nərimandır.

Ermənistan prezidentinin müşaviri və Baş İnspeksiya İdarəsinin rəisi, general-polkovnik Mikail Arutyunyan isə 1946-cı ildə Şamaxı rayonunda anadan olub.

Bunlardan başqa, Ermənistan Müdafiə Nazirliyində, Baş Qərargahında, həmçinin ordu korpuslarının rəhbər vəzifələrində xeyli sayda Azərbaycanda doğulub-böyümüş erməni təmsil olunur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]