BolgeXeber.Com » Media » "Müasir Müsavat qəzeti bağlandi?

"Müasir Müsavat qəzeti bağlandi?

23-02-2011, 23:20

Oxunub: 5 803

Mənbənin bildirdiyinə görə, qəzetin bağlanmasına maliyyə problemləri səbəb olub

Əldə etdiyimiz məlumata görə, "Müasir Müsavat Partiyası"nın eyni adlı qəzeti fəaliyyətini dayandırb. Baş redaktor və işçilər hamısı istefa veriblər. Mənbənin bildirdiyinə görə, qəzetin bağlanmasına maliyyə problemləri səbəb olub. Buna etiraz edən baş redaktor Təranə xanım və qəzetin kollektivi işdən çıxmaq barədə qərar veriblər.

Qeyd edək ki, qəzet həftədə üç dəfə çıxsa da, sonradan həftədə bir dəfə nəşr olunmaq məcburiyyətində qalıb. Bu gün isə qəzetin tatmamilə fəaliyyətini dayandırması barədə məlumat əldə etdik.

Məsələyə aydınlıq gətirmək üçün "Müasir Müsavat" qəzetinin baş redaktoru Təranə xanımla əlaqə saxladıq. Baş redaktor Təranə Ramazanova FaktXeber.com-a bildirdi ki, "Qəzetimiz bağlanmayıb. Bu yanlış məlumatdı. Qəzet hələlik müəyyən səbəblərdən həftədə bir dəfə çap olunur. Qəzetin gündəlik çıxması barədə müzakirələr aparırıq. Ümid edirik ki, qəzet mart ayının əvvəlindən gündəlik olaraq nəşr ediləcək.

Çox Oxunanlar